McDonald's-ın Rusiyadakı biznesinin yeni sahibi şəbəkəni 1000 restorana qədər genişləndirməyi planlaşdırır

McDonald's-ın Rusiyadakı biznesinin yeni sahibi şəbəkəni 1000 restorana qədər genişləndirməyi planlaşdırır

McDonald's-ın Rusiyadakı biznesinin yeni sahibi şəbəkəni 1000 restorana qədər genişləndirməyi planlaşdırır

McDonald's-ın Rusiya biznesini satın alan iş adamı Aleksandr Qovor ölkə daxilində şəbəkəni min restorana qədər genişləndirmək planlarını açıqlayıb.

Marja xəbər verir ki, o, bu barədə “Forbes”ə müsahibəsində danışıb.

Qovorun sözlərinə görə, hazırda 840 nöqtə yenidən işə salınmağa hazırdır.

"2022-ci ilin sonuna kimi daha 20 restoran istifadəyə verilə bilər. Planım şəbəkəni 1000-ə çatdırmaqdır”, - sahibkar bildirib.

Həmçinin Qovor dəqiqləşdirib ki, brendin yeni adı ilə bağlı yekun qərar iyunda məlum olacaq: "Biz artıq brend üçün bir neçə adı seçib qeydiyyatdan keçirmişik. Brendlə bağlı yekun qərar iyunun ortalarına qədər açıqlanacaq".

İyunun 2-də Rusiyanın Federal Antiinhisar Xidməti (FAS) Aleksandr Qovora məxsus "Club-Hotel" MMC-nin McDonald's-ın Rusiya biznesini almaq üçün petisiyasını təsdiqləyib. Eyni zamanda, satıcı aktivi 15 il ərzində bazar şərtləri ilə geri ala bilər.

McDonald's Rusiyadakı bütün 850 restoranının fəaliyyətini martın 14-də Ukraynada hərbi əməliyyat başlayandan az sonra dayandırıb. Mayın 16-da, ictimai iaşə bazarında payı 7%-ə çatan şirkət Rusiyadan çıxdığını elan edib və Sənaye və Ticarət Nazirliyinin vasitəçiliyi ilə müəssisəni Aleksandr Qovora satıb. Şəbəkə yeni brend altında fəaliyyət göstərəcək və bütün işçilər ən azı iki il yerlərini qoruyacaqlar. Təxminən, restoranlar iyunun ortalarında işə başlaya biləcək.

McDonald's-ın Rusiyadakı baş direktoru Oleq Paroyev bildirib ki, köhnə loqo olan lövhələr söküləcək. Onun sözlərinə görə, Rusiya Federasiyasındakı françayzilərə də yeni brend altında işləmək təklif olunacaq.

Moskva meri Sergey Sobyanin bildirib ki, paytaxt hakimiyyəti McDonald's restoranlarının işinin bərpasına dəstək verəcək. Rus sahibi işçi qüvvəsini, menyunu və xidmət standartlarını saxlayacaq.

03.06.2022 12:32

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az