Rusiya-Ukrayna müharibəsi ilə başlayan kənd təsərrüfatı qiymətlərindəki artım Hindistanın buğda ixracına qadağa qoyması qərarı ilə daha da sürətlənib.

Marja.az xəbər verir ki, kənd təsərrüfatı əmtəələrndə qiymət hərəkətlərini izləyən Bloomberg Kənd Təsərrüfatı İndeksi rekord səviyyəyə yüksəlib. Pandemiyadan əvvəl 225 bənd olan Bloomberg Kənd Təsərrüfatı İndeksi 524 bəndi keçərək rekord qırıb.

Buğda fyuçersləri də son iki ayın ən yüksək səviyyəsinə çatıb.

Hindistanın qərarından sonra bir-birinin ardınca ərzaq böhranı ilə bağlı xəbərdarlıqlar edilir. Ən sərt xəbərdarlıqlardan biri İngiltərə Bankının qubernatoru Endryu Beyli tərəfindən verilib

Bailey, artan ərzaq xərclərinin yoxsullar və qlobal iqtisadiyyat üçün "fəlakətli" nəticələrə səbəb ola biləcəyini söyləyib.

Beyli, hökumətləri Rusiyanın blokadası səbəbindən dünya ticarətinə daxil edilə bilməyən Ukraynada məhsulu azad etmək üçün lazım olan hər şeyi etməyə çağırıb.

Beyli əlavə edib ki, onlar qiymətlərin "uçmasına" səbəb olan bir sıra şokları gözləmirdilər.

Ukraynada milyonlarla ton taxıl ehtiyatı blokadaya görə ixrac oluna bilmir

Azov dənizi və Qara dənizdəki bir çox limanın Rusiyanın blokadasında olması və ya zədələnməsi, sığortanın olmaması, daşıma xərclərinin yüksək olması və bəzi gəmilərin müharibə bölgəsinə doğru marşrutlardan istifadə etməyə üstünlük verməməsi ixraca mane olur. Ukraynanın anbarlarında təxminən 40 milyon ton taxıl var.

Ərzaq və Kənd Təsərrüfatı Təşkilatının (FAO) məlumatına görə, hazırda Ukraynanın Qara və Azov dənizlərindəki limanlarında infrastruktur çətinlikləri və Rusiyanın blokadası səbəbindən təxminən 25 milyon ton taxıl saxlanılır.

Normal vaxtlarda 95%-ini dəniz yolu ilə ixrac edən Ukrayna, Mariupol, Xerson və Berdyansk kimi bəzi limanlarının Rusiyanın nəzarətində olması və bəzilərinə ciddi ziyan vurduğu üçün ixracda çətinlik çəkir.

Ukraynada buğda yığımının bu il 18,2 milyon tona düşəcəyi gözlənilir.

Əsrlər boyu mühüm buğda istehsalçısı olan və eyni zamanda Avropanın “çörək səbəti” adlandırılan Ukrayna, dünyanın 5-ci ən böyük buğda ixracatçısı kimi diqqət çəkir.

Rusiya-Ukrayna müharibəsi ilə vüsət alan buğda qiymətlərindəki artımın xüsusilə Asiya və Afrikada buğda idxal edən ölkələrin xərclərini artırdığı və nəticələrin ağır olduğu bildirilir.

Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) məlumatına görə, 2020-ci ildə Livanda istehlak edilən bütün buğdanın təxminən 50 faizi, Yəməndə 22 faizi, Liviyada isə 43 faizi Ukraynadan idxal edilib.