“Lukoyl” şirkətinin prezidenti Vahid Ələkbərov çətin vəziyyətdə - BAŞ NAZİRİN MÜAVİNİNƏ MƏKTUB YAZDI

“Lukoyl” şirkətinin prezidenti Vahid Ələkbərov çətin vəziyyətdə - BAŞ NAZİRİN MÜAVİNİNƏ MƏKTUB YAZDI

“Kommersant”: “Lukoyl” şirkəti neft emalı zavodlarını anbarlardakı həddindən artıq mazut ehtiyatları səbəbindən bağlaya bilər. Nəşrin məlumatına görə, şirkət mazut həcmlərinin İES-ə yönləndirilməsini və ətraf mühitə mənfi təsirə görə yüksək cərimələrin müvəqqəti ləğvini təklif edib.

“Lukoyl” şirkətinin prezidenti Vahid Ələkbərov çətin vəziyyətdə - BAŞ NAZİRİN MÜAVİNİNƏ MƏKTUB YAZDI

Rusiyada neft emalı, Qərbin sanksiyaları şəraitində, mazutun daşınma həcmində kəskin azalma ilə üzləşib, nəticədə anbarlarda bu yanacağın artıqlığı əmələ gəlib. Anbarların dolması neft emalı zavodlarının bağlanmasına və ya istehsalın azaldadılmasına səbəb ola bilər.

Marja.az-ın məlumatına görə, “Kommersant” qəzeti cümə axşamı müraciətin surətinə istinadən yazır ki, bu barədə “Lukoyl” şirkətinin prezidenti və ortaq sahibi Vahid Ələkbərov martın 25-də Rusiya baş nazirinin müavini Aleksandr Novaka məktubunda bildirib.

VTB-də minimal faiz dərəcəsi ilə nağd kredit 10.49%-dən

Ələkbərov neft emalı zavodlarının bağlanmaması üçün mazut həcmlərinin müvəqqəti olaraq yanacaq kimi İstilik Elektrik Stansiyalarına (İES) yönləndirilməsini və ətraf mühitə mənfi təsirlərə görə yüksək cərimələrin müvəqqəti ləğvini təklif edir.

Qəzet yazır ki, səmt neft qazının yandırılması üçün də eyni güzəştlərə ehtiyac var.

Enerji bazarının qaydalarına görə, istehsalçı şirkətlər mövcud olan ən ucuz yanacaq növündən istifadə etməlidirlər; bu, bir qayda olaraq qazdır. Mazutdan yalnız qaz təchizatında fasilələr yarandıqda və ya onun sərfiyyatının hədləri tükəndikdə istifadə olunur. Rusiya Energetika Nazirliyinin hesabatına görə, 2020-ci ildə mazut İES-lərin ümumi istehlakının 2%-ni təşkil edib.

İES-lərdə mazutdan istifadənin artması ilə əlaqədar olaraq, neft şirkətlərinin ətraf mühitə mənfi təsir üçün ödənişləri artıracaqdır. “Lukoyl” bu cür hallarda, həmçinin səmt neft qazının məşəldə yandırılması halında yüksək cərimənin tətbiqini dayandırmağı təklif edir.

Rusiya Təbii Sərvətlər Nazirliyi hesab edir ki, “Lukoyl”un təkliflərinin təsdiqlənməsi ətraf mühit üçün regional büdcələrdən vəsait çatışmazlığına gətirib çıxaracaq.

Energetika Nazirliyindən qəzetə bildirilib ki, bu məsələ üzərində iş gedir. “Lukoyl” və Təbii Sərvətlər Nazirliyi “Kommersant”a vəziyyəti şərh etməyib.

07.04.2022 10:49

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az