ABŞ-ın strateji neft ehtiyatlarında yeni satış qərarı bu həftənin ilk əməliyyatlarında da neft qiymətlərinə təsirini davam etdirib.

Marja xəbər verir ki, ABŞ-ın strateji neft ehtiyatlarından bazara satma qərarı qiymətləri aşağı salıb. Bazar iştirakçıları Çində artan Covid-19 böhranına da diqqət yetirirlər.

Ötən həftə 13 faiz ucuzlaşan ABŞ xam nefti yeni həftəyə 100 dollardan bir az aşağı qiymətdən başlayb. Brent markalı neft tərəfində isə 104 dollar səviyyəsi müşahidə olunub (Bakı vaxtı ilə saat 09:00-a olan məlumat).

Ehtiyat satışlarının neftə təsiri müşahidə olunarkən, dünyanın ən böyük neft ticarəti şirkətlərindən biri olan "Vitol"dan qiymətlərin həddindən artıq aşağı düşdüyünə dair yeni xəbərdarlıq edib.

Keçən həftə OPEC+ may ayında gözlənildiyi kimi gündəlik neft hasilatını 432 min barel artırmağa razılaşıb.

Ötən həftə neft bazarı üçün ən mühüm xəbər ABŞ-ın strateji neft ehtiyatlarını satmaq qərarı olub.

ABŞ administrasiyası benzinin qiymətinin aşağı salınmasına və ölkə daxilində inflyasiya ilə mübarizəyə kömək etmək üçün strateji neft ehtiyatlarından gündəlik 1 milyon barel neft satışa çıxaracağını açıqlayıb.

Ağ Evdən verilən açıqlamada Rusiya prezidenti Vladimir Putinin Ukraynaya hücumunu gücləndirdiyi vaxtdan bəri benzinin qiymətinin təxminən 1 dollar artdığı, neft tədarükünün azaldığı və müharibə səbəbindən qiymətlərin artdığı qeyd edilib.

Açıqlamada ABŞ prezidenti Co Baydenin benzinin qiymətinin artırılması ilə bağlı 2 mərhələli plan açıqlayacağı bildirilib və planın birinci mərhələsinin tədarükün artırılması olduğu vurğulanıb.

Açıqlamada ABŞ-ın müttəfiqləri ilə apardığı məsləhətləşmələr nəticəsində qarşıdakı 6 ay ərzində gündəlik orta hesabla 1 milyon barel neft satışa verəcəyini bildirilib və bu məbləğin tarixdə ən böyük ehtiyat satışı olduğu qeyd edilib.

Çində Covid-19 böhranı şiddətlənir

Çində koronavirus epidemiyasının yayılması həyəcanverici həddə çatıb. Ölkənin maliyyə mərkəzi olan Şanxayda epidemiyanın yayılması diqqəti çəkir. Şanxayda son 24 saatda 425 xəstəlik əlaməti və asemptomatik adlandırılan 8 min 581 yoluxma faktı qeydə alınıb.

Ötən gün xəstəliyin əlamətlərini göstərən 438, göstərməyən 7788 fakt aşkar edilib.

26 milyondan çox əhalisi olan şəhərdə yoluxanların artması ilə əlaqədar olaraq, Huanqpu çayının qərb hissəsində həftənin əvvəlində elan edilmiş mərhələli karantin davam edir.