ABŞ-ın bənzərsiz həmləsilə neft qiymətləri düşməkdə davam edir

ABŞ-ın bənzərsiz həmləsilə neft qiymətləri düşməkdə davam edir

ABŞ-da Bayden administrasiyasının strateji neft ehtiyatlarından gündəlik 1 milyon barel neft satılacağını elan etməsilə neft qiymətləri düşməkdə davam edir.

ABŞ-ın bənzərsiz həmləsilə neft qiymətləri düşməkdə davam edir

ABŞ-ın strateji ehtiyatlardan satış edəcəyi barədə həmləsi neft qiymətlərinin düşməsinə səbəb olur.

Marja xəbər verir ki, ABŞ xam nefti 98 dollar səviyyəsinə, Brent markalı neft isə 103 dollar səviyyəsinə enib (Bakı vaxtı ilə saat 11:00-a olan məlumatlar).

ABŞ-ın strateji ehtiyatlardan daha çox satış etməsi planı neftlə bağlı gözləntilərə yenidən baxılmasına səbəb olub. "Goldman Sachs" ilin ikinci yarısı üçün Brent markalı neft proqnozunu 10 dollar azaldaraq 125 dollara endirib. Bank ABŞ-ın sözügedən addımının neftdəki struktur kəsirini bağlamaq üçün kifayət etməyəcəyini də bildirib.

ABŞ gündəlik 1 milyon barel bazara çıxaracaq

ABŞ administrasiyası benzinin qiymətinin aşağı salınmasına və ölkə daxilində inflyasiya ilə mübarizəyə kömək etmək üçün strateji neft ehtiyatlarından gündə 1 milyon barel neft satışa çıxaracağını açıqlayıb.

Ağ Evdən verilən açıqlamada Rusiya prezidenti Vladimir Putinin Ukraynaya hücumunu gücləndirdiyi vaxtdan bəri benzinin qiymətinin təxminən 1 dollar artdığı, neft tədarükünün azaldığı və müharibə səbəbindən qiymətlərin artdığı qeyd edilib.

Açıqlamada ABŞ prezidenti Co Baydenin benzinin qiymətinin artırılması ilə bağlı 2 mərhələli plan açıqlayacağı bildirilib və planın birinci mərhələsinin tədarükün artırılması olduğu vurğulanıb.

Açıqlamada ABŞ-ın müttəfiqləri ilə apardığı məsləhətləşmələr nəticəsində qarşıdakı 6 ay ərzində gündəlik orta hesabla 1 milyon barel neft satışa buraxılacağı bildirilib və bu məbləğin tarixdə ən böyük ehtiyat buraxılışı olduğu qeyd edilib.

"Bunun miqyası bənzərsizdir. Bu müddət ərzində dünyada heç vaxt bu qədər sutkada 1 milyon barel neft ehtiyatı satışa çıxarılmayıb", - açıqlamada deyilir.

Ağ Ev açıqlamasında, neft şirkətlərinin illərdir istifadə etmədiyi quyulara görə haqq ödəmələrini təklif edib və bununla əlaqədar Konqresə çağırış edib.

01.04.2022 10:58

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az