“Azercell” internet qiymətlərinə dəyişikliklər edir

“Azercell” internet qiymətlərinə dəyişikliklər edir

“Azercell” internet qiymətlərinə dəyişikliklər edir

“Azercell Telekom” təklif etdiyi internet paketlərinin bəzilərini ləğv edir, bir çoxunun da qiymətlərini artırır.

Marja.az şirkətə istinadən xəbər verir ki, 15.04.2022-ci il tarixdən başlayaraq internet paketlərindən istifadə edən abunəçilər üçün aşağıdakı şərtlər tətbiq ediləcək:

· Gündəlik 500 MB (qiyməti 1.20 AZN), aylıq 60 MB, eləcə də, limitsiz gecə (qiyməti 2 AZN) paketləri təklif olunan məhsul siyahısından çıxarılacaq və növbəti yeni qoşulmalar mümkün olmayacaq. Həmin paketlərə 15.04.2022-ci ilə kimi qoşulan abunəçilər, paketi deaktiv etmədikləri təqdirdə istifadəyə davam edə biləcəklər.

· 1 saat limitsiz internet paketinə - 0,59 AZN (hazırda 0,50 AZN); 3 saat limitsiz internet paketinə - 1,49 AZN (hazzırda 1.20 AZN); 6 saat limitsiz internet paketinə - 2,39 AZN (hazırda 1.89 AZN); Həftə sonu limitsiz internet paketinə - 2,99 AZN (hazırda 1,50 AZN) xidmət haqqı tətbiq ediləcək.

Bundan əlavə, “Azercell” təqdim etdiyi xidmətlərin keyfiyyətinin daha da yüksəldilməsi və fakturasız (SimSim) xətt sisteminin abunəçilərinə təklif olunan tariflərin optimallaşdırılması məqsədilə bəzi tarif paketlərində dəyişiklik edir. Müvafiq olaraq, 15.04.2022-ci il tarixdən etibarən “Bölgə” tarifi üçün hesablama intervalı 60 saniyə kimi tətbiq ediləcək.

Qeyd edilib ki, bütün qiymətlər ƏDV daxil göstərilib. Abunəçilər göstərilən dəyişikliklər, müvafiq tarif paketləri və mövcud tarif paketlərinin dəyişdirilməsi şərtləri barədə, o cümlədən “Azercell Telekom” MMC tərəfindən təqdim edilən xidmətlər, tariflər və keçirilən kampaniyalar barədə ətraflı məlumatları rəsmi internet səhifəmizdən (www.azercell.com), həmçinin Müştəri Xidmətlərinə (MX və ya Eksklüziv ofisləri, həftənin 7 günü 24 saat ərzində fəaliyyət göstərən Telefon Mərkəzi) müraciət etməklə əldə etmək imkanına malikdirlər.

15.03.2022 07:30

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az