"Avropanın Rusiyadan neft idxalını dayandırmaq qərarı dağıdıcı olacaq".

Marja xəbər verir ki, çərşənbə günü İtaliyanın kənd təsərrüfatı və sənaye sektorlarının nümayəndələrini birləşdirən  "Filera Italia" assosiasiyasına rəhbərlik edən Luici Scordamaglia bir xəbərdarlıq edib.

"Qərar Avropada təsdiqlənəcəyi təqdirdə dağıdıcı nəticələrə səbəb olacaq ", - o, assosiasiyanın yaydığı bəyanatda sitat gətirilib.

O xatırladıb ki, “bu gün Avropa İttifaqında istifadə olunan bütün neftin 30%-i Rusiyadan gəlir. "Bir barelin qiymətinin 133 dollara çatması ilə bizim nəqliyyat işçilərimiz arasında narahatlıq artır, onlar artıq işləri dayandırmaq barədə düşünürlər", - "Fillera Italia"nın rəhbəri bildirib.

İtaliya hakimiyyətinin Rusiya qazından asılılığı azaltmaq planlarına toxunan Skordamaqlia ehtiyatlı olmağa çağırıb: “Ehtiyatlı olmaq lazımdır, Rusiya qazından imtina qərarını çox tələsdirmək lazım deyil. Risk ondan ibarətdir ki, italyan ailələri və biznesləri üçün vəziyyət 1970-ci illərdəkindən daha pis olacaq. Xəbərdarlığa dəyər ki, enerji xərclərinin artması səbəbindən altı böyük kağız fabrikinin bağlanması ilə yaxın iki-üç həftə ərzində aqro-qida zənciri üçün lazım olan karton yox olacaq. Ona görə də əlavə məhdudlaşdırıcı qərarlar diqqətlə qiymətləndirilməlidir" deyib

İtaliyanın baş naziri Mario Draqi bir qədər əvvəl bildirib, ölkə hökuməti Rusiyadan enerji asılılığını azaltmaq üçün bir sıra tədbirləri nəzərdən keçirir. Xüsusilə, o, hakimiyyət orqanlarının tədarükləri diversifikasiya etmək, xüsusən də Əlcəzair və ya Azərbaycandan idxalı artırmaq niyyətində olduğunu bildirib. Bundan əlavə, onun sözlərinə görə, İtaliya yerli qaz hasilatını 5 milyard kubmetrə çatdırmaq niyyətindədir.

Martın 8-də ABŞ prezidenti Co Bayden Rusiyadan enerji idxalını və Rusiyanın enerji sektoruna yeni investisiyaları qadağan edən fərman imzalayıb. Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Cozep Borrell bildirib ki, Aİ Rusiyanın enerji resurslarının idxalına qadağa qoymaq və bu məsələdə ABŞ rəhbərliyinin ardınca getmək niyyətində deyil.