Bayden mətbuat konfransında Rusiyanın Ukraynaya qarşı hərbi əməliyyatından sonra ABŞ və müttəfiqlərinin Rusiyaya qarşı tətbiq edəcəyi yeni sanksiyaları açıqlayıb.

Marja xəbər verir ki, Baydenin açıqlamalarından diqqət çəkən məqamlar aşağıdakılardır:

-"Ukrayna sərhədində 175 min əsgər toplanıb. Putin hər cür yaxşı niyyətli cəhdi rədd etdi. Biz beynəlxalq hüququn pozulmasının şahidi olduq.

-"Ukrayna kimyəvi silahdan istifadə edəcək və soyqırıma hazırlaşacaq” kimi iddiaları eşitmişdik. Ukrayna torpaqlarında iki qondarma respublika Rusiya tərəfindən tanındı.

“Putin bunun nəticələrini çəkəcək”

- Putin müharibə elan etdi. Raketlər Ukraynanın tarixi şəhərlərinə düşməyə başlayıb. Tankların irəlilədiyini gördük. Biz Rusiyanın planlarını şəffaf şəkildə ictimaiyyətlə bölüşdük. Putin burada təcavüzkardır. O, müharibəni seçdi. İndi bunun nəticələrini o və ölkəsi çəkəcək.

- Düşünürük ki, sanksiyalar Rusiya iqtisadiyyatına həm indi, həm də zamanla təsir edəcək. Biz sanksiyaları uzunmüddətli təsirə malik olmaq üçün hazırlamışıq. Bunu açıq şəkildə demək istəyirəm. Biz aylardır ki, koalisiya yaradırıq.

- Söhbət dünyanın 50 faizini təşkil edən qrupdan gedir. Avropa İttifaqına üzv ölkələr, BƏƏ, Yaponiya. Biz Rusiyanın dollarla avro, funt və yen ilə ticarət imkanlarını məhdudlaşdıracağıq. Rusiya ordusunun maliyyələşdirilməsini məhdudlaşdıracağıq.

“Rusiya banklarının ABŞ-dakı aktivləri dondurulub”

- 21-ci əsrdə yüksək texnologiya və iqtisadiyyatın bir hissəsinə çevrilməsinin qarşısını almağa çalışacağıq. Rubl tarixinin ən aşağı səviyyəsini gördü, Rusiya Birjası çökdü. Bu kontekstdə biz Rusiya banklarına qarşı sanksiyalar tətbiq edirik.

- Rusiya banklarının Amerikadakı aktivləri dondurulacaq. Rusiyanın ikinci ən böyük bankı (VTB) da daxil olmaqla, Rusiya elitası, oliqarxları, ailə üzvləri sanksiyalara məruz qalacaqlar. Bunlar Putindən faydalanan seqmentlərdir. Sanksiyalar yaxın günlərdə də davam edəcək.

- Çərşənbə axşamı biz Rusiyanın vəsait toplamaq imkanını məhdudlaşdırdıq. Söhbət 1,4 trilyon dollarlıq aktivləri olan şirkətlərdən gedir. Biz Rusiyada maliyyə və texnologiya sektorunu sıxışdıracağıq və yaxın illərdə onun imkanlarının azalacağını görəcəyik. Biz Rusiyanın yüksək texnologiya ixracatını yarıya endirmək qərarına gəldik”.