Nestle məhsulları bahalaşacaq - inflyasiya və gəlirlilik xəbərdarlığı

Nestle, artan inflyasiyanın 2022-ci ildə şirkətin gəlirliliyinə mənfi təsir edə biləcəyi barədə xəbərdarlıq edib.

Nestle məhsulları bahalaşacaq - inflyasiya və gəlirlilik xəbərdarlığı

Nestle xəbərdarlıq edib ki, 2022-ci ildə gəlirlilik ardıcıl ikinci il azala bilər.

Marja xəbər verir ki, mətbuat açıqlaması yayan şirkətin baş direktoru Mark Schneider, xərclərin 2021-ci ilə nisbətən bu il daha çox artacağını vurğulayıb və əməliyyat mənfəəti marjasının bu il 17% - 17,5% səviyyəsində ola biləcəyini qeyd edib.

Schneider, "Bu, əlbəttə ki, qiymətlərimizdə əks etdirməli olduğumuz bir vəziyyətdir" deyib və şirkətdə demək olar ki, heç bir məhsulun inflyasiyaya davamlı olmadığını vurğulayıb.

İnflyasiya Unilever-i də narahat edir

Böyük Britaniyanın nəhəng istehlak malları şirkəti Unilever, inflyasiyanın yaratdığı təzyiq ilə əlaqədar olaraq yalnız iki il sonra 2021-ci ildə gəlirlilik səviyyələrinə qayıda biləcəklərini açıqlayıb. İlin ilk rübündə inflyasiyanın pik həddə çatacağını gözləyən Unilever, xammal xərclərinin təxminən 2 milyard avro artacağını təxmin edir. Əməliyyat mənfəət marjasının 2,4 faiz bəndi azala biləcəyini qeyd edən şirkət, marjalardakı itkilərin böyük hissəsinin 2023-cü ildə kompensasiya ediləcəyini və 2024-cü ildə tam bərpa olunacağını vurğulayıb.

Unilever-in açıqlamasından sonra şirkətin səhmləri Londonda 3,2 faiz ucuzlaşıb.

Unilever-in maliyyə direktoru Qrema Pitketli bildirib ki, əmtəə qiymətləri təxminən 20 faiz artıb, lakin şirkətin miqyası və tədarükçülər ilə bağladığı müqavilələr səbəbindən Unilever üçün daha azdır.

Unilever keçən ay 1500 işçini ixtisar edəcəklərini və inkişafı sürətləndirmək üçün daxili strukturlaşmadan keçəcəklərini açıqlamışdı.

17.02.2022 11:54

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az