"Rusiyanın Ukraynaya müdaxiləsi halında ABŞ "Şimal axını 2"nin işə salınmasına icazə verməyəcək"

"Rusiyanın Ukraynaya müdaxiləsi halında ABŞ "Şimal axını 2"nin işə salınmasına icazə verməyəcək"

"Rusiyanın Ukraynaya müdaxiləsi halında ABŞ "Şimal axını 2"nin işə salınmasına icazə verməyəcək"

ABŞ Avropada təhlükəsizlik məsələlərində Rusiya ilə xoşməramlı danışıqlara açıqdır, lakin Ukraynanı işğal etmək qərarına gələrsə, Moskvaya qarşı kütləvi sanksiyalar tətbiq etməkdə qərarlıdır.

Marja xəbər verir ki, bu barədə bazar ertəsi ABŞ prezidenti Co Bayden Almaniya kansleri Olaf Şolz ilə Vaşinqtonda danışıqların yekunlarına dair birgə mətbuat konfransında bildirib.

Onun verdiyi məlumata görə, Rusiya təbii qazının Avropaya nəqlini nəzərdə tutan “Şimal axını 2” kəməri də bu cür məhdudiyyətlərə məruz qalacaqdır.

Amerika lideri Rusiyanın Ukraynaya hücumu halında ABŞ-ın qaz kəmərinin istifadəyə verilməsinə imkan verməyəcəyinə söz verib. Bayden boru kəmərinin işə salınması ABŞ hakimiyyətindən deyil, Almaniyadan asılı olarsa, Vaşinqtonun buna necə nail olacağını izah etməkdən imtina edib. "Mən söz verirəm ki, biz bunu bacaracağıq", - ABŞ Prezidenti rəhbəri deyib.

Eyni zamanda Bayden qeyd edib ki, ABŞ Rusiyadan tədarükün dayandırılacağı təqdirdə Avropanın təbii qaza olan tələbatının əhəmiyyətli hissəsini ödəyə biləcək. Ağ Ev sahibinin sözlərinə görə, ABŞ hökuməti “bir müddətdir” xaricdəki müttəfiqləri və tərəfdaşları ilə bu cür tədarüklərin “itkisini kompensasiya etmək” imkanlarını müzakirə edir.

Amerika lideri bir daha elan edib ki, Rusiyanın Ukraynaya müdaxiləsi halında Qərb ölkələri bir-biri ilə razılaşdırılaraq hazırlanmış iqtisadi sanksiyaları tez bir zamanda tətbiq etməyə hazırdırlar. Prezidentin xəbərdarlıq etdiyi kimi, bunlar “indiyə qədər tətbiq edilən ən sərt məhdudiyyətlərdir”.

Eyni zamanda Bayden etiraf edib ki, bu məhdudlaşdırıcı tədbirlər tətbiq olunarsa, istər-istəməz Qərbin özünün maraqlarına zərbə vuracaq. "Bunun bir hissəsi bizə təsir edəcək, bu avropalılara təsir edəcək. Lakin sanksiyalar Rusiya iqtisadiyyatına daha dərin təsir göstərəcək", - Bayden hesab edir.

08.02.2022 11:16