Avropa IPO bazarında toplanan vəsait 2021-ci ildə təxminən 3,5 dəfə artıb

Avropa IPO bazarında toplanan vəsait 2021-ci ildə təxminən 3,5 dəfə artıb

Avropa IPO bazarında toplanan vəsait 2021-ci ildə təxminən 3,5 dəfə artıb

2021-ci il Avropanın kapital bazarında aktivlik baxımından rekord il olub.

Marja, PwC-nin əsas fond bazarlarında IPO-ların sayını və təxminlərini izləyən illik "IPO Watch Europe 2021" araşdırmasına istinadən xəbər verir ki, 2020-ci ildə 20,3 milyard avro cəlb edən 135 IPO ilə müqayisədə, 2021-ci ildə 422 IPO ilə 75 milyard avro cəlb edilib.

2021-ci il IPO bazarları və qlobal miqyasda rekord il olub, çünki qlobal iqtisadiyyatda COVID-19 peyvəndlərinin ortaya çıxması, əlverişli mərkəzi bank siyasətləri və aşağı faiz dərəcələri investorların fəallığına təkan verib. 2021-ci il ərzində dünyada 2682 min IPO həyata keçirilib, nəticədə 607,7 milyard dollar cəlb edilib.

Həmçinin hesabatda, Avropanın müxtəlif sektorlarında və regionlarında 1 milyard avrodan çox dəyərində əhəmiyyətli sayda iri IPO-ların həyata keçirildiyi qeyd edilib.

“Avropada ən fəal sektorlar texnologiya, istehlak malları, e-ticarət, maliyyə və sənaye idi. 2021-ci ildə ən aktiv birjalar London, Stokholm, Amsterdam, Frankfurt və Oslo olub. Avropada keçirilən ən böyük IPO-su Amsterdamda InPost-un 3,2 milyard avro dəyərində IPO-su olub”,- hesabatda bildirilir.

2022-ci ildən nə gözləmək olar?

PwC bu il investorların bazarda daha seçici və ehtiyatlı olacağını gözləyir. “Qiymətləndirmə, qiymət məsələləri, eləcə də şirkətlərin IPO-ya ümumi hazırlığı və səhmlərinin etibarlılığı investorların diqqət mərkəzində olacaq. Bununla belə, 2022-ci il üçün bazar artımı proqnozu, investorların seçiciliyinin artmasına və keyfiyyətə diqqət yetirməsinə baxmayaraq müsbət olaraq qalır”, - araşdırmada deyilir.

07.02.2022 16:20

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az