"Meta" səhmlərinin ucuzlaşması ilə ABŞ birjalarında ciddi eniş müşahidə olunur

"Meta" səhmlərinin ucuzlaşması ilə ABŞ birjalarında ciddi eniş müşahidə olunur

Facebook-un maliyyə nəticələri və proqnozları investorları məyus edib. İnvestorlar həmişə şirkətin möhtəşəm artımlar açıqlamasına alışmışdılar.

"Meta" səhmlərinin ucuzlaşması ilə ABŞ birjalarında ciddi eniş müşahidə olunur

Amerikanın “Meta” şirkətinin səhmlərinin ucuzlaşması fonunda ABŞ-ın əsas fond indeksləri bir ilin ən ciddi enişini göstərib.

Marja xəbər verir ki, bunu Nyu-York Fond Birjasının saytında yerləşdirilən məlumatlar göstərir.

Ticarət sessiyası zamanı NASDAQ elektron birja indeksi 538,73 bənd (3,74%) dəyər itirərək 13 878,82 bəndədək geriləyib. "The Wall Street Journal"ın məlumatına görə, bu, 2020-ci ilin sentyabrından bəri indeksdə ən ciddi enişdir.

S&P 500 gün ərzində 111,94 bənd (2,44%) azalaraq 4477,44 bənd olub ki, bu da ötən ilin fevralından bəri onun üçün ən güclü eniş olub.

Dow Jones sənaye indeksi ticarət sessiyası zamanı 518,17 bənd (1,45%) itirərək 35 111,16 bənd ətrafında olub.

Çərşənbə günü "Meta" zəif artım proqnozları və daha aşağı xalis gəlirlə rüblük hesabatlar yayımlayıb. Bu fonda şirkətin səhmləri cümə axşamı günü axşam saatlarında 26% ucuzlaşıb ki, bu da əvvəllər "Facebook" adlanan şirkət üçün 2012-ci ildə birjaya daxil olandan bəri ən pis nəticə olub. CNN vurğulayır ki, "Meta"nın səhmlərində rekord ucuzlaşma digər texnologiya şirkətlərinin də səhmlərinin azalmasına səbəb olub.

Facebook 4 fevral 2004-cü ildə Mark Zukerberq və onun üç tələbə yoldaşı tərəfindən Harvard Universitetində oxuyarkən yaradılıb. Baş ofisi Kaliforniyanın Menlo Park şəhərində yerləşən şirkət "Facebook" və "Instagram" sosial şəbəkələrinə, həmçinin "WhatsApp" və "Messenger" proqramlarına malikdir. 28 oktyabr 2021-ci ildə şirkət adını "Meta" olaraq dəyişdirib. Şirkət tərəfindən düşünülmüş yeni ad, təkcə proqramları deyil, həm də əlavə reallıq cihazlarını birləşdirəcək seçilmiş "metaverse" konsepsiyasının davamıdır.

Həmçinin oxu

Bazarlardan Meta-ya tarixi zərbə

04.02.2022 08:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az