Ən yuxarı (mobil)_30
Mobil manşet üstü reklam-3_21

Ötən il Amazon-un gəlirləri 22%, xalis mənfəəti 57% artıb

Amerikanın e-ticarət nəhəngi “Amazon”un gəliri ötən ilin son rübündə 9 faiz artaraq 137,4 milyard dollar təşkil edib.
iç səhifə xəbər başlığı altı (mobil)_31
Ötən il Amazon-un gəlirləri  22%, xalis mənfəəti 57% artıb
iç səhifə xəbər şəkil altı-2 (mobil)_32

Amazon keçən ilin oktyabr-dekabr dövrü üçün balans hesabatını açıqlayıb.

Marja xəbər verir ki, şirkətin keçən ilin dördüncü rübündəki gəliri əvvəlki ilin eyni dövrü ilə müqayisədə 9% artaraq 137,4 milyard dollara yüksəlib. Amazon, 2020-ci ilin eyni dövründə satışlarının 125,6 milyard dollar səviyyəsində reallaşdığını açıqlamışdı.

Şirkətin cəmi gəlirləri 2021-ci ildə 22% artaraq 469,8 milyard dollara çatıb.

Amazon-un xalis mənfəəti də ötən ilin son rübündə 14,3 milyard dollara yüksəlib. 2020-ci ilin eyni dövründə şirkətin xalis mənfəəti 7,2 milyard dollar təşkil etmişdi.

Keçən il Amazon-un xalis mənfəəti əvvəlki ilə nisbətən 57 faiz artaraq 33,4 milyard dollara çatıb.

2020-ci ilin dördüncü rübündə 14,09 dollar olan e-ticarət nəhənginin səhmbaşına qazancı keçən ilin eyni dövründə 27,75 dollara yüksəlib.

Amazon Baş İcraçı Direktoru (CEO) Andy Jassy, ​​şirkətin dördüncü rüb balansını qiymətləndirməsində, işçi qüvvəsi çatışmazlığı və inflyasiya təzyiqləri səbəbindən yüksək xərclərlə üzləşdiklərini söyləyib.

Covid-19 pandemiyasında ortaya çıxan Omikron variantına görə bu problemlərin bu ilin birinci rübünə qədər davam etdiyini vurğulayan Jassy, ​​qısamüddətli çətinliklərə baxmayaraq nikbin olmağa davam edəcəklərini bildirib.

04.02.2022 08:19

Müştərilərin xəbərləri

Mobil Manşet alt reklam-2_22
Mobil əsas səhifə 4-cü2_27
Mobil əsas səhifə 5-ci_28
Mobil əsas səhifə 6-ci_29
Desktop_Manset_sag_5
Ana-sehifede-2-reklam-3_9
Əsas səhifədə 3-cü reklam_10
Xəbər mətn sağ 1-ci-2_15
Xəbər mətn sağ 2-ci_16
Xəbər mətn sağ 3-cü-2_17
Xeber_metn_sag_18_2_18