Avropa Mərkəzi Bankının (ECB, AMB) faiz qərardan sonra? Bankın sədri Kristin Laqard mətbuat mənsublarının qarşısına çıxıb.

Marja.az Laqardın çıxışından əsas hissələri təqdim edir:

-Avro Zonası iqtisadiyyatında canlanma davam edir, epidemiyanın təsiri azalır. Bu il iqtisadiyyat güclü şəkildə bərpa olunacaq.

- Yanvar ayında inflyasiya sürpriz şəkildə yüksəlib. Bu ilin sonunda inflyasiya düşməyə başlayacaq.

- İnflyasiya gözləniləndən daha uzun müddət yüksək qalacaq. Enerji yüksək inflyasiyanın əsas səbəbi olaraq qalır. Yanvarda olan 5,1 faiz inflyasiyanın yarısı birbaşa enerji ilə bağlıdır. Göstəricilər enerji qiymətlərinin dinamikasının 2022-ci ildə mülayimləşəcəyini qeyd edir.

- AMB lazım gəldikdə bütün alətlərini nəzərdən keçirməyə hazırdır.

- İqtisadi perspektiv üçün risklər əsasən balanslaşdırılmışdır. Geosiyasi gərginlik artıb. İnflyasiya proqnozu ilə bağlı risklər yuxarı istiqamətdədir.

- Bankların balansları sağlam olsa da, pandemiyadan əvvəl olduğu kimi gəlirlidir. Maliyyə şərtləri əlverişli olaraq qalır.

- Avro Bölgəsində iqtisadi artımın ilin birinci rübündə səngiməsi gözlənilir.

- Bütün idarə heyəti inflyasiya məlumatlarından narahatdır. Biz inflyasiya ilə bağlı ətraflı müzakirələr apardıq. Biz mart ayında proqnozları dərc edəcəyik. Biz qərara gəlmək üçün tələsməməkdə qərarlıyıq. ECB qərarını verərkən məlumatlara əsaslanacaq.

- Mart və iyun inflyasiyanı qiymətləndirmək üçün xüsusilə vacibdir.

- Lazımi şərtlər yerinə yetirilməyənə qədər faiz artımı ilə bağlı heç bir vəd verə bilmərik. Mart ayında faiz dərəcəsi qərarını və iqtisadi gözləntiləri əvvəlcədən mühakimə edə bilmərəm.

- Tələsməyə ehtiyac yoxdur, bütün lazımi vasitələrdən istifadə edəcəyik.

- ECB inflyasiya hədəfinə getdikcə yaxınlaşır.

- Xalis istiqraz alışı dayanana qədər faizləri artırmayacağıq.

Qeyd edək ki, Laqardın açıqlamalarından sonra Avro bahalaşıb. Avro/Dollar məzənnəsi 1%-ə yaxın yüksələrək 1.1410 dollar səviyyəsinə yüksəlib. Buna səbəb Laqardın "İnflyasiya proqnozu ilə bağlı risklər yuxarı istiqamətdədir" deməsidir ki, bu da faizin artırılmasını tezləşdirə bilər.

Həmçinin oxu

Avropa Mərkəzi Bankı faiz qərarını açıqladı