OPEC və tərəfdaşlarının qərarından sonra neft qiymətləri yüksəldi

OPEC və tərəfdaşlarının qərarından sonra neft qiymətləri yüksəldi

Neftin qiyməti 80 dolları keçdi

OPEC və tərəfdaşlarının qərarından sonra neft qiymətləri yüksəldi

Neft İxrac Edən Ölkələr Birliyi və tərəfdaşları (OPEC+) fevralda neft hasilatının gündəlik 400 min barel artırılması planını təsdiq ediblər.

Marja xəbər verir ki, qərardan sonra neft qiymətləri yüksəlib. Brent nefti 1,6% bahalaşaraq qiyməti 80,25 dollar/barelə, ABŞ xam nefti isə 1,7% bahalaşaraq 77,35 dollar/barelə çatıb.

VTB-də minimal faiz dərəcəsi ilə nağd kredit 10.49%-dən

Rusiyanın baş nazirinin müavini Aleksandr Novak bildirib ki, koronavirusun yeni Omicron ştammı hazırda xəstəxanaya yerləşdirmə nisbətinin aşağı olması səbəbindən neft tələbinə təsir göstərmir, ona görə də OPEC+ ölkələri razılaşmanın əvvəllər qəbul edilmiş parametrlərini dəyişməmək qərarına gəliblər.

“Müşahidə və təhlillər göstərir ki, koronavirusa yoluxanların sayında böyük artıma baxmayaraq, xəstəxanaya yerləşdirilmə nisbəti kifayət qədər aşağıdır və bu, tələbatın azalmasına təsir göstərmir. Ona görə də hesab edirik ki, hasilatın artırılması çərçivəsində OPEC+-ın üzərinə götürdüyü öhdəlikləri yerinə yetirməkdə davam etmək lazımdır”.

Rusiya Federasiyası baş nazirinin müavininin sözlərinə görə, görüşdə nazirlər sövdələşmənin icra səviyyəsini də müzakirə ediblər: “Ötən ilin noyabrında bu, 122% olmaqla tarixi səviyyədə idi, yəni gözləniləndən yüksək idi. Bu yaxşı göstəricidir"

Çərşənbə axşamı OPEC+ nazirlərinin konfransı yarım saat ərzində başa çatıb. Sazişin tərəfləri olan ölkələr fevral ayında neft hasilatının sutkada 400 min barel artırılmasını təsdiqləyiblər. Monitorinq komitəsinin rəyinə görə, hazırda neft bazarı balanslaşmış vəziyyətdədir. Eyni zamanda, onlar 2022-ci ilin birinci rübündən sonra bazarın profisitə doğru dəyişməyə başlayacağını və neft ehtiyatlarının artacağını gözləyirlər.

OPEC+ ölkələri hasilatı fevralda, 2020-ci ilin may ayında olduğu kimi sutkada 9,5 milyon yox, cəmi 2,959 milyon barel azaldacaqlar.

Həmçinin oxu

Azərbaycan “OPEC plus”un qərarını dəstəklədi - AÇIQLAMA

04.01.2022 21:22

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az