Azərbaycanda “Ərzaq məhsullarının dövlət sifarişi ilə satın alınması” elektron portalı yaradılacaq.

Marja.az xəbər verir ki, "Aqrar tədarük və təchizat" ASC “Ərzaq məhsullarının dövlət sifarişi ilə satın alınması” elektron portalının hazırlanması xidmətlərinin satınalınması" üçün keçirdiyi tenderi yekunlaşıdırəb.

Qalib şirkət “Smart Solyuşns Group” Məhdud Məsuliyyətli Cəmiyyətidir.

"Aqrar tədarük və təchizat" qalib şirkət ilə məbləği 708 min manat olan müqavilə imzalayıb.

“Ərzaq məhsullarının dövlət sifarişi ilə satın alınması” elektron portalı Prezident İlham Əliyevin imzaladığı Fərma əsasında yaradılacaq. Elektron portal Azərbaycan Respublikasında kənd təsərrüfatı məhsullarının istehsalını və emalını stimullaşdırmaq, dövlət sifarişi ilə kənd təsərrüfatı və ərzaq məhsullarının mərkəzləşdirilmiş qaydada satın alınması proseslərini elektronlaşdırmaq və təkmilləşdirmək, bu sahədə həyata keçirilən işlərin səmərəliliyini və şəffaflığını artırmaq məqsədilə yaradılacaq.

Ərzaq məhsullarının dövlət sifarişi ilə satın alınması yaradılan elektron portal vasitəsilə həyata keçiriləcək:

- satınalma şərtlərinə cavab verən və tələbata uyğun istehsal həcminə malik olan, elektron portalda qeydiyyatdan keçən istehsalçıların və ya satıcıların satın alan təşkilat tərəfindən seçilməsi;

- satın alan təşkilatla istehsalçılar və ya satıcılar arasında müqavilələrin elektron portal vasitəsilə bağlanılmasının təmin edilməsi;

- istehsalçıların və satıcıların satınalma şərtlərinə uyğunluğunun müəyyən edilməsi məqsədilə tədarük və təchizat agentinin monitorinqlər aparması və onların nəticələrinin elektron portalda yerləşdirilməsi;

- satınalma və müqavilə şərtlərinə əməl etməyən istehsalçıların və satıcıların dövlət sifarişi ilə satınalmalarda iştirakının məhdudlaşdırılması;

- satınalma şərtlərinə uyğun olan təkliflərə satın alan təşkilat tərəfindən baxılarkən mikro, kiçik və orta sahibkarlıq subyektləri olan yerli istehsalçılara üstünlük verilməsi.