Sumqayıtda şəhər stadionunun yaxınlığında binalar tikiləcək - 13 MİLYON MANATLIQ MÜQAVİLƏLƏR

Sumqayıtda şəhər stadionunun yaxınlığında binalar tikiləcək - 13 MİLYON MANATLIQ MÜQAVİLƏLƏR

Sumqayıtda şəhər stadionunun yaxınlığında binalar tikiləcək - 13 MİLYON MANATLIQ MÜQAVİLƏLƏR

Azərbaycan Respublikasının Mənzil İnşaatı Dövlət Agentliyinin tabeliyində olan "MİDA" MMC-nin sifarişilə Sumqayıt şəhəri, M.Hüseynzadə adına şəhər stadionunun şimal-şərqində 2,0 ha torpaq sahəsində çoxmənzilli binalar tikiləcək.

Marja.az xəbər verir ki, tikinti işlərini "MİDA" MMC-nin sifarişi ilə Hünər İnşaat Firması və "Conco" QSC şirkəti həyata keçirəcəklər.

"MİDA" Hünər İnşaat Firması ilə məbləği 6 milyon 806 min 445 manat olan müqavilə imzalayıb. Müqavilə 7, 8 və 9 nömrəli 9 mərtəbəli 1 bloklu yaşayış binalarının və 1 mərtəbəli qeyri-yaşayış binasının tikintisini nəzərdə tutur.

Həmçinin, "MİDA" MMC 4, 5 və 6 nömrəli 9 mərtəbəli 1 bloklu yaşayış binalarının və 1 mərtəbəli qeyri-yaşayış binasının tikintisi üçün "Conco" QSC ilə 6 milyon 645 min 194 manatlıq müqavilə imzalayıb. "MİDA" Hünər İnşaat Firması və "Conco" şirkətinə cəmi 13 milyon 452 min manat ödəyəcək.

Bakı şəhəri, Suraxanı rayonu, Hövsan qəsəbəsinin qərb hissəsində 18,81 ha ərazidə 62 nömrəli 2 mərtəbəli 240 yerlik uşaq bağçası da tikiləcək. Tikinti işləri 3 milyon 679 min 397 manat müqavilə ilə "Yar İnşaat Təmir-Tikinti" MMC-yə həvalə edilib.

Bunlardan başqa, Bakı şəhəri, Yasamal rayonu, Xarici dairəvi avtomobil yolunun kənarında (Qanlı gölün şimal hissəsi) yerləşən 15,4 ha torpaq sahəsində inşa olunan yaşayış kompleksində ərazinin şaquli planlaşdırılması, yollar, səkilər və velosiped yollarının çəkilməsi üzrə əlavə işlər "Körpü Bina Tikinti" MMC-yə həvalə edilib. "MİDA" bu şirkət ilə məbləği 472 min 179 manat olan müqavilə imzalayıb.