Beynəlxalq Enerji Agentliyi (İEA), qlobal neft bazarlarında təklif artıqlığının geri döndüyü və koronavirusun Omikron variantına yoluxanların artması ilə gələn il daha böyük bir təklif çoxluğu yarana biləcəyi barədə xəbərdarlıq edib.

Marja xəbər verir ki, OPEC+ın istehsalı artırması və strateji ehtiyatların istifadə edilməsilə qlobal miqyasda neft təklifinin artdığını qeyd edən təşkilat, koronavirusun Omikron variantı ilə təyyarə yanacağına tələbinin azaldığını və anbarların 2022-ci ildə gündəlik 1,7 milyon barel sürətlə dola biləcəyini vurğulayıb.

İEA aylıq neft hesabatında, "Koronavirusa yoluxanların artması, neft tələbində davam edən bərpanı müvəqqəti yavaşlatması, ancaq tərsinə çevirməməsi gözlənilir" deyilir.

İEA hesabatında, "Virusun yayılmasını dayandırmaq üçün görülən yeni tədbirlərin iqtisadiyyat üzərində əvvəlki koronavirus dalğaları ilə müqayisədə daha yüngül bir təsiri ola bilər",- bildirilir.

OPEC+, istehsal məhdudiyyətlərini tamamilə ləğv etsə dünyanın iki böyük ixracatçısı Səudiyyə Ərəbistanı və Rusiyanın illik xam neft istehsalı rekord qıracaq.

İEA-nın təxminlərinə görə, qlobal neft təklifi, 2021-ci ildəki 1.5 milyon barel/gün artımın ardından gələn il 6.4 milyon barel artacaq.

İEA, tələb proqnozlarını isə, yeni səyahət məhdudiyyətlərinin və reaktiv yanacağın istifadəsində nəzərdə tutulan azalmaya paralel olaraq bu və gələcn il üçün 100 min barel/gün azaldıb. Təşkilata görə, neftə tələbatın artması 2021-ci ildə 5,4 milyon barel/gün, 2022-ci ildə isə 3,3 milyon barel/gün təşkil edəcək.

Təşkilat Dekabr hesabatında, qlobal neft təklifinin tələbi keçəcəyini qeyd edib.

Neft qiymətləri, Noyabr sonundan etibarən Omikron variantının ortaya çıxması ilə "ayı" bazarına girdikdən sonra bu ay itkilərinin bir qisimini geri alıb.

Bakı vaxtı ilə saat 16:12-də Brent nefti London ICE Futures Europe birjasında 74,45 dollardan ticarət olunub.