PayNow-nun dövriyyəsi 2,5 dəfə artıb

PayNow-nun dövriyyəsi 2,5 dəfə artıb

Sinqapurun əsas banklarını birləşdirən "PayNow" sürətli ödəniş sisteminin dövriyyəsi ilin ilk on ayında ötən ilin müvafiq dövrü ilə müqayisədə təxminən 2,5 dəfə artıb.

Marja.az xəbər verir ki, bu barədə bazar ertəsi "Straits Times" qəzeti Sinqapur Banklar Assosiasiyasının nümayəndələrinə istinadən məlumat yayıb.

“Yanvar-oktyabr aylarında 64 milyard Sinqapur dollarından çox (46,8 milyard ABŞ) əməliyyatlar həyata keçirilib”, - Assosiasiyadan bildiriblər. 2020-ci ilin eyni dövründə əməliyyatların həcmi 25 milyard Sinqapur dolları (18,3 milyard ABŞ dolları) təşkil etmişdi.

Dövriyyəyə fiziki və hüquqi şəxslər tərəfindən həyata keçirilən əməliyyatlar daxildir.

Assosiasiyanın direktoru On-An Ai Boonun sözlərinə görə, bu artım həm də koronavirus pandemiyası ilə bağlıdır, bir çox müəssisələr müştərilərə müxtəlif ödəniş formalarını, o cümlədən "PayNow" təklif edərək nağd pul qəbul etməkdən imtina etməyə çalışırlar. Onun sözlərinə görə, digər amil hüquqi şəxslərin (övlət orqanlarının, sığorta şirkətlərinin, təhsil müəssisələrinin və s. ) bu cür ödənişləri geniş qəbul etməyə başlamaları olub. Gələn il rəqəmsal banklar da daxil olmaqla, yeni iştirakçıların "PayNow" sisteminə qoşulması gözlənilir.

"PayNow" mobil telefon nömrəsi və ya şəxsiyyət nömrəsindən istifadə edərək bank hesabına pul köçürmək üçün təhlükəsiz xidmətdir. Bu ilin aprel ayında Sinqapur və Tayland "PayNow" və "PromptPay" sistemlərini birləşdirərək gündə 1000 Sinqapur dollarına (732 ABŞ dolları) qədər pul köçürülən dünyanın ilk transsərhəd sürətli ödəniş sistemini işə salıblar.

13.12.2021 09:12

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az