Kiberhücumların pik həddə çatdığı 2021-ci il artıq sona yaxınlaşır. Bəs növbəti ildə rəqəmsal dünyanı hansı təhlükələr gözləyir?  

Şəbəkə təhlükəsizliyi və çoxfaktorlu autentifikasiya sahəsində qlobal xidmət təminatçısı olan "WatchGuard Technologies" kosmosdakı peykləri hədəf alan kiberhücumlardan tutmuş kiber sığortalara qədər 2022-ci il üçün kibertəhlükəsizlik proqnozlarını paylaşıb.

2022-Cİ İL ÜÇÜN 6 KİBER TƏHLÜKƏSİZLİK PROQNOZU

1- Dövlət tərəfindən dəstəklənən mürəkkəbkibercinayətkar mobil hücumlar artacaq

Mobil qurğular həm cihazların imkanlarına, həm də onlarda olan məlumatlara görə hökumət tərəfindən maliyyələşdirilən kiber komandalar üçün çox cəlbedici hədəfdir. Gələn il də dövlət tərəfindən maliyyələşdirilən mobil hücumlar səbəbindən mürəkkəb kibercinayətkar mobil hücumların artması gözlənilir.

2- Kosmosu hədəf alan haker xəbərləri əsas xəbərlərə çevriləcək

Son kibertəhlükəsizlik araşdırmaları kosmosdakı zəif güvənlik üzərində cəmləşdiyindən 2022-ci ildə kosmosu hədəfləyən haker xəbərləri əsas  başlıqlara çevriləcək. Peyklər əksər təhdidlərin çata bilmədiyi cihazlar kimi görünsə də, tədqiqatçılar müəyyən ediblər ki,  təxminən 300 dollara başa gələn aparatlardan istifadə edərək onlarla əlaqə saxləmaq mümkün olacaq. 

3- Mesajlaşma platformalarında fərdlərə yönəlmiş hücumlar artacaq

WhatsApp və bir çox digər mesajlaşma platformalarında hədəflənən fişinq mesajlarının 2022-ci ildə iki dəfə artacağı gözlənilir.

4- Parolsuz autentifikasiya MFA olmadan uzun müddət uğursuz olacaq

Windows-un parolsuz autentifikasiyasının 2022-ci ildə başlayacağı proqnozlaşdırılır, lakin hakerlər və tədqiqatçılar bu həlli asanlıqla keçərək keçmiş halları təkrarlaya biləcəklər.

5- Şirkətlər artan xərclərə baxmayaraq kiber sığortanı artıracaq

Bu yeni sığorta əməliyyatları 2022-ci ildə müdafiəni təkmilləşdirmək üçün   diqqət mərkəzində olacaq.

6- Sıfır etimad yanaşması tətbiq ediləcək

 Sıfır etimad yanaşması əsasən hakerlərin aktivlərinizdən  birinə  təhlükə törətdiyini güman etmək və onların daha vacib sistemlərə keçmək imkanlarını məhdudlaşdırmaq üçün şəbəkə təhlükəsizliyinizi qorumaqdır. Təxmin edilir ki, 2022-ci ildə əksər təşkilatlar nəhayət, şəbəkələrində ən qədim təhlükəsizlik konsepsiyalarından bəzilərini tətbiq edəcəklər.