Birləşmiş Ştatlar benzinin bahalaşmasının qarşısını almaq və Prezident seçildikdən sonra minimum səviyyəyə enmiş Co Baydenin reytinqini “sağlamlaşdırmaq” üçün strateji ehtiyatdan indiyə qədərki ən böyük neft satışını həyata keçirəcək.

Marja-nın məlumatına görə Ağ Evin mətbuat ofisi çərşənbə axşamı elan edib ki, bir neçə ay ərzində dövlətə məxsus anbarlardan bazara 50 milyon barel neft çıxarılacaq.

"Yüksək yanacaq qiymətləri amerikalı istehlakçılara və amerika bizneslərinə mənfi təsir edir, çünki qlobal iqtisadiyyat pandemiyadan çıxdığından neft təklifi tələbatla ayaqlaşmayıb",- Ağ Ev.dən bildirilib.

Strateji ehtiyatlardan neft satışı yaxın vaxtlarda oxşar tədbirləri elan edəcək Çin, Hindistan, Yaponiya, Cənubi Koreya və Böyük Britaniya ilə koordinasiyalı şəkildə həyata keçiriləcək.

"Eyni zamanda, zərurət yaranarsa, ABŞ  əlavə həcmdə neft satmağa hazırdır", - Ağ Ev qeyd edib və əlavə edib ki, satılan barellər gələcəkdə hökumətin alışları vasitəsilə anbara qayıdacaq.

Noyabrın ortalarına olan məlumata görə, ABŞ-ın strateji anbarlarında 606 milyon barel xam neft var ki, bu da 2003-cü ildən bəri ən aşağı səviyyədir.

ABŞ-ın 1970-ci illərin ortalarından bəri topladığı neft ehtiyatlarının satışına 2016-cı ildə Barak Obama tərəfindən başlanıb. Donald Tramp administrasiyası bu prosesi sürətləndirib və nəticədə bazar dörd il ərzində dövlət anbarlarından təxminən 90 milyon barel satıb.

Baydenin elan etdiyi satış - yarım əsrlik strateji ehtiyatdan görünməmiş və 1991-ci ildə Küveyt Müharibəsi zamanı satılan 30 milyon barellik əvvəlki rekordu ötsə də, bazar buna kəskin reaksiya vermək istəmir. Bakı vaxtı ilə saat 17:50-də Londonda Brent markalı neftin fyuçersləri bazar ertəsi gününün bağlanışında ticarət olunur- bir barel üçün 79,92 dollar, Nyu-Yorkda WTI müqavilələri isə cəmi 0,5% ucuzlaşaraq 76,38 dollar/barelə enib.

"Saxo Bank"ın əmtəə üzrə strateqi Ole Hansen deyib: “Anbardan azad edilən 50 milyon barel qiymətlərin müvəqqəti azalmasına, bəlkə də 5 dollar düşməsinə səbəb ola bilər, lakin bunun qiymətlərə uzunmüddətli aşağı yönlü təsir göstərməsi ehtimalı azdır”.

Gündə 100 milyon barrelə çatan dünya neft istehlakı ilə müqayisədə bir neçə on milyon barelin satışı okeanda damcı olaraq qalacaq. Bundan əlavə, OPEC+ın ABŞ və onun müttəfiqinə azaldılmış hasilatın bərpası planından imtina etməklə cavab verməsi ehtimalı var.