“Naxçıvanbank”ın rəhbərliyi dəyişdirilib

“Naxçıvanbank”ın rəhbərliyi dəyişdirilib

“Naxçıvanbank”ın rəhbərliyi dəyişdirilib

Ölkənin yeganə regional bankı olan “Naxçıvanbank” ASC-nin Müşahidə Şurası (MŞ) və İdarə Heyəti (İH) üzrə yeni təyinatlar olub.

Bankdan Marja-ya verilən məlumata əsasən, bugünədək Müşahidə Şurasının sədri vəzifəsini icra edən Vasif Kazımov vəzifəsindən azad edilərək həmin vəzifə üzrə Əsədulla İsgəndərov təyin olunub.

Bununla yanaşı, şuranın üzvləri Əlidadaş Babayev və Xuraman Mircavadova vəzifəsindən azad edilib, Baharxanım Talıbova və Rifat Mahmudov şuranın yeni üzvləri olaraq təyin ediliblər.

Məlumata görə, “Naxçıvanbank”ın İdarə Heyətinin tərkibi struktur olaraq dəyişdirilib. Belə ki, Azər Məmmədov bankın İdarə Heyətinin sədri vəzifəsindən azad edilib. İdarə Heyətinin sədri vəzifəsi hazırda bankın İdarə Heyəti sədrinin 1-ci müavini İsa İsayev tərəfindən icra olunur.

Həmçinin, bankda İdarə Heyəti üzrə 2 yeni müavin təyin olunub. Bunlar eyni zamanda bankın Baş İnformasiya İnzibatçısı Murad Həsənli və Baş Risk İnzibatçısı Rafiq Xəlilovdur. İdarə Heyətinin digər üzvü isə hazırda bankın Baş Maliyyə İnzibatçısı olan Nahidə Əliyevadır.

Xatırladaq ki, 2008-ci il 11 sentyabr tarixindən fəaliyyətə başlayan “Naxçıvanbank” ASC hazırda ölkənin yeganə regional bankıdır. Bankın cari ilin ilk 3 rübü üzrə mənfəəti 6 milyon 884 min manat, aktivlərinin ümumi məbləği 308 milyon 905 min manat, nizamnamə kapitalı isə 82 milyon 43 min manatdır. “Naxçıvanbank”ın səhmdarları adları açıqlanmayan 4 fiziki şəxsdir.

NaxçıvanBank Əsədilla-İsgəndərov Baharxanım-Talıbova Rifat-Mahmudov Naim-Cahidzadə Rəcəb-Cəfərli Anar-Abuzərli Murad-Həsənli Rafiq-Xəlilov İsa-İsayev

15.11.2021 10:23

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az