Ukrayna hökuməti Rusiya ilə “enerji müharibəsi” olduğunu bəyan edib

Ukrayna hökuməti Rusiya ilə “enerji müharibəsi” olduğunu bəyan edib

Ukrayna hökuməti Rusiya ilə “enerji müharibəsi” olduğunu bəyan edib

Ukrayna faktiki olaraq Rusiya ilə enerji müharibəsi vəziyyətindədir.

Marja xəbər verir ki, bu sözləri Ukraynanın energetika nazirinin müavini Maksim Nemçinov cümə günü axşam “1+1” telekanalında “Hakimiyyət hüququ” proqramının efirində deyib.

“Bu gün biz Qazaxıstandan idxalı əngəlləyən, Ukraynaya kömür daşıyan dəmiryol vaqonlarının daxil olmasına mane olan, sifarişli qaz tranzit imkanlarını daim azaldan Rusiya ilə faktiki olaraq enerji müharibəsi vəziyyətindəyik. Yəni, bu böhranı daha da hiss etməyimiz üçün hər şeyi edirlər”, - Maksim Nemçinov bildirib.

Bundan əvvəl Ali Radanın Energetika, Mənzil və Kommunal Təsərrüfat Komitəsinin rəhbəri Andrey Gerus Rusiyanın Qazaxıstandan Ukraynaya kömür tədarükünü “Rusiya Dəmir Yolları" səviyyəsində əngəllədiyi barədə açıqlama vermişdi. Eyni zamanda, Qazaxıstanın Sənaye və İnfrastrukturun İnkişafı Nazirliyi bu məlumatı təsdiqləməyib, Rusiyanın tədarüklərə mane olmadığını, lakin “Rusiya tərəfində infrastrukturun iş yükü ilə əlaqədar bəzi məhdudiyyətlərin olduğunu” qeyd edib.

Rusiya noyabrın 1-dən Ukraynaya termal kömür ixracını dayandırıb. Rusiya Federasiyasının İqtisadi İnkişaf Nazirliyi bildirib ki, tədarükün dayandırılması payız-qış dövründə daxili tələbatın artması ilə bağlıdır.

Kiyev də dəfələrlə Rusiyanı qaz tədarükündən “geosiyasi silah” kimi istifadə etməkdə ittiham edib. Xüsusilə Ukrayna hakimiyyəti “Şimal axını 2” layihəsini “milli təhlükəsizlik üçün risklər daşıyan” və "Avropaya qaz nəqlinin təhlükəsizliyini təhdid edən" adlandırır. Eyni zamanda, Rusiya tərəfi bu layihənin kommersiya xarakterli olduğunu və Moskvanın heç vaxt enerji resurslarından təzyiq aləti kimi istifadə etmədiyini dəfələrlə vurğulayıb.

12.11.2021 08:29

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az