Qlonbal reytinq agentliyi "Moody's", "Qlobal Makro Proqnozlar 2022-23" başlıqlı hesabatının Noyabr sayını yayımlayıb.

Marja xəbər verir ki, hesabatda, gözləniləndən daha zəif olan iqtisadi artım trendinin və artan inflyasiyanın qlobal iqtisadi bərpaya dair optimizmi bir az azaltdığı qeyd edilib.

Gələn il Covid-19 pandemiyası, tədarük zənciri və işçi qüvvəsi üzrə çətinliklərin azalmasının gözlənildiyinə yer verilən hesabatda, bunun qlobal iqtisadiyyatın 2023-cü ilə qədər sabit bir böyümə mərhələsinə daxil olmasına imkan verəcəyi nəzərdə tutulub.

Hesabatda, keçən il 3,2% azalan G20 iqtisadiyyatlarının 2021-ci ildə 5,8%, 2022-ci ildə 4,4% və 2023-cü ildə 3,2% böyüməsinin təxmin edildiyi qeyd edilib.

Moody's hesabatında, ABŞ, Kanada, Almaniya, Yaponiya, İngiltərə və Çin iqtisadiyyatları üçün 2021-ci il iqtisaqdi artım proqnozlarını iyundan bu yana gözləniləndən daha zəif məlumatlar səbəbilə azaldıb, Türkiyə, Cənubi Afrika, Rusiya və Səudiyyə Ərəbistanı üçün iqtisadi artım proqnozlarını yüksəldib.

Hesabatda, G20-nin inkişaf etmiş iqtisadiyyatlarının 2021-ci ildə 4,9% və 2022-ci ildə 4,2% böyüyəcəyinin təxmin edildiyi qeyd edilib.

İnkişaf etməkdə olan iqtisadiyyatların da bu il 7,3% böyüməsinin nəzərdə tutulduğu qeyd edilən hesabatda, bu ölkələrin böyümə performansının 2022-ci ildə 4,8%-ə düşəcəyi bildirilib.

Hesabatda, Türkiyə iqtisadiyyatının 2021-ci ildə 9,2% artmasının gözlənildiyi bildirilib. Moody's sentyabr ayında dərc  etdiyi hesabatda Türkiyə iqtisadiyyatının 2021-də 6% artacağını nəzərdə tutmuşdu.

Türkiyə iqtisadiyyatının 2022-ci ilə dair artım proqnozunu 3,6%-dən 4,8%-ə qaldırılan hesabatda, ölkə iqtisadiyyatının 2023-də 5% böyüyəcəyi təxmin edilir.

Hesabatda, "pul və kredit genişləməsi ilə yüksək likvidlik dəstəyinin Türkiyənin iqtisadi bərpasını dəstəkləməyə davam etdiyinə" yer verilib.

Türkiyədə inflyasiya nisbətinin isə bu il 19%-ə və gələn il 16,4%-ə düşəcəyi təxmin edilir.