(®) Öz şəxsi evinə sahib olmaq bir çox insanlar üçün böyük və vacib məqsədlərdən biridir. Ancaq gözəl görünüşü, əlverişli yerləşməsi, infrastrukturu və bir çox digər üstünlükləri ilə seçilən bir ev almaq o qədər də asan deyil.

Daşınmaz əmlak sektorunda ölkənin aparıcı şirkətlərindən biri olan “PMD Group” insanların xəyallarını daha da əlçatan etmək üçün yenilənmiş, daha uyğun və sərfəli satış şərtləri təqdim edir.

Yeni şərtlərə əsasən, komplekslərdə mənzillərə artıq 20 deyil, 22 ilə qədər ipoteka krediti ilə sahib ola bilərsiniz. Üstəlik, mənzilləri 30% yox, sadəcə 20% ilkin ödəniş etməklə, illik faiz dərəcəsi olaraq isə 10% deyil, 8%-dən başlayan ipoteka şərtləri ilə əldə etmək mümkündür.

İpoteka almaq vacib bir həyat qərarıdır və çox diqqətlə düşünülməlidir. Mənzil sahibi olmaq istəyənlər üçün ipoteka kreditinin bir çox üstünlükləri var. İlkin olaraq, ödəmək asandır - ipoteka aylıq olaraq az-az ödənilir və faiz dərəcəsindən asılı olaraq, aylıq ödənişləriniz həmin bölgədə ödəyəcəyiniz kirayə haqqından xeyli aşağı ola bilər. Əlavə olaraq, ipoteka insanların çoxunun öz evinə sahib olmasının yeganə yoludur.

“PMD Group” yeni ipoteka şərtləri ilə şəhərin müxtəlif yerlərində yerləşən, bir çox üstünlükləri ilə seçilən layihələrdən mənzillər təklif edir. Nümunə olaraq, "Gumush Residence", “Nizami Boutique House”, "Hillside Residence" şəhərin mərkəzində möhtəşəm mənzərəsi, görünüşü, keyfiyyəti və vəd etdiyi həyat tərzi ilə tamamilə fərqli bir konsept gətirən komplekslərdir.   

Mərkəzdə yaşamaq anlayışını özündə təcəssüm etdirən premium yaşayış binaları "Üzeyir Hacıbəyli 57" və "Zərifə Əliyeva 53" isə şəhərin modern və ritmik nəbzini tutmağa imkan verir, müasir biznes və alış-veriş mərkəzləri, lüks otellər və butiq mağazaların əhatəsində yerləşir.

Şərq rahatlığı ilə qərb keyfiyyətini özündə birləşdirən “Təbriz Evləri” infrastruktur baxımından əlverişli ərazidə, “Xəzri Rezidens” isə Xəzərin düz sahilində, narın qumlu çimərliyin bir neçə addımlığında yerləşir.

İdarəetməsi “PMD Group” şirkəti tərəfindən həyata keçirilən bu yaşayış komplekslərində mənzillərə təklif olunan şərtlərlə sahib olmaq indi daha asan və sərfəlidir. Siz də bu şərtlərdən faydalanmaq üçün www.fmg.az/menzil-satisi saytımızdan məlumat ala və ya *5775 ilə əlaqə saxlaya bilərsiniz.