“Unibank”ın cəmi əməliyyat gəlirləri (faiz və qeyri-faiz gəlirləri) 2021-ci ilin 9 ayında (yanvar-sentyabr)  ötən ilin eyni dövrü ilə müqayisədə 30 milyon 989 min manat və ya 36,5% artaraq 115 milyon 980 min manat təşkil edib. Bankın cəmi əməliyyat gəlirləri 2020-ci ilin 9 ayında 84 milyon 991 min manat təşkil etmişdi.

Marja.az Bankın hesabatına istinadən xəbər verir ki, 2021-ci ilin 9 ayında “Unibank”ın faiz gəlirləri 21 milyon 561 min manat və ya 32,9% artaraq 87 milyon 102 min manata, qeyri-faiz gəlirləri isə 9 milyon 428 min manat və ya 48,5% artaraq 28 milyon 878 min manata yüksəlib.

“Unibank”ın cəmi əməliyyat xərcləri (faiz və qeyri-faiz xərcləri) 2021-ci ilin 9 ayında ötən ilin eyni dövrü ilə müqayisədə 26 milyon 278 min manat və ya 36,6% artaraq 98 milyon 135 min manat təşkil edib. Bankın cəmi əməliyyat xərcləri 2020-ci ilin 9 ayında 71 milyon 857 min manat təşkil etmişdi.

“Unibank”ın cəmi əməliyyat gəlirləri (115 milyon 980 min manat) cəmi əməliyyat xərclərini (98 milyon 136 min manat ) üstələdiyindən 17 milyon 844 min manat əməliyyat mənfəəti yaranıb. Bankın əməliyyat mənfəəti ötən ilin eyni dövründə  13 milyon 134 min manat təşkil etmişdi. Beləliklə, “Unibank”ın əməliyyat mənfəəti 4 milyon 710 min manat və ya 35,9% artıb. Artım gəlirlərin artmasından qaynaqlanır.

2021-ci ilin 9 ayında “Unibank” 17 milyon 844 min manat əməliyyat mənfəətindən 13 milyon 834 min manat mümkün zərərlər üçün yaradılan məqsədli ehtiyatlara ayırdığından həmin dövrü 4 milyon 10 min manat  xalis mənfəət ilə başa vurub. Qeyd edək ki, “Unibank” 2020-ci ilin 9 ayındakı 13 milyon 134 min manat əməliyyat mənfəətindən ehtiyatlara 1 milyon 886 min manat ayırdığından həmin dövrü 11 miylon 248 min manat xalis mənfəət ilə bağlamışdı. Bu ilin 9 ayında xalis mənfəətinaz olması ehtiyatlara ayırma ilə əlaqədardır.

BANK BÖYÜYÜB, AKTİVLƏRİ 1 MİLYARD MANATA YAXINLAŞIB

“Unibank”ın cəmi aktivləri 2021-ci ilin 9 ayında ötən ilin sonu ilə müqayisədə 144 milyon 991 min manat və ya 17,8% artaraq 960 milyon 802 min manata çatıb. “Unibank”ın cəmi aktivləri 2020-ci ilin sonunda 815 milyon 811 min manat təşkil etmişdi.

“Unibank” tərəfindən müştərilərə verilmiş cəmi kreditlər (kredit portfeli) 159 milyon 742 min manat və ya 28,1% artaraq 727 milyon 55 min manata yüksəlib. “Unibank”ın cəmi kredit portfeli 2020-ci ilin sonunda 567 milyon 313 min manat təşkil etmişdi.

ƏHALİ BANKA DAHA ÇOX PUL YATIRIB

“Unibank”da depozitlər isə 134 milyon 100 min manat və ya 25,7% artaraq 656 milyon 467 min manata qalxıb. O cümlədən, “Unibank”da fiziki şəxslərin depozitləri 123 milyon 43 min manat və ya 28,9% artaraq 549 milyon 293 min manata, hüquqi şəxslərin depozitləri isə 11 milyon 57 min manat artaraq 107 milyon 174 min manata çatıb.

MƏCMU KAPİTALI ARTIB

30 Sentyabr 2021-ci il tarixində “Unibank” 83 milyon 899 min manat məcmu kapitala malik olub. Bank ötən ilin sonunda  82 milyon 906 min manat manat məcmu kapitala malik idi.