İnflyasiyanın əsas göstəricisi olan istehlakçı qiymətləri indeksi (CPI) bu ilin ilk üç rübündə (9 ayda) Çində 0,6% təşkil edib.

Marja xəbər verir ki. bu barədə Çin Xalq Respublikası Dövlət Statistika Komitəsinin bazar ertəsi açıqladığı hesabatda deyilir.

Hesabatda qeyd edilib, yanvar-sentyabr aylarında ölkənin şəhərlərində qiymətlər 0,7%, kənd yerlərində - 0,4%artıb.

Ərzaq, spirt və tütün qiymətləri 0,5% artıb. Eyni zamanda, Çində istehlak səbətinin əsas elementlərindən biri olan donuz ətinin dəyəri illik ifadədə 28% azalıb. Taxıl məhsulları 1%, təzə meyvələr 2,7%, tərəvəzlər 1,3% bahalaşıb.

Nəqliyyat və rabitə sahəsindəki xidmətlər üç rübdə 3,3%, təhsil, mədəniyyət və istirahət sahəsində 1,6% artıb. Səhiyyə xidmətlərinin qiymətləri 0,3% artıb.

Hesabata görə, Çində inflyasiya sentyabr ayında 0,7% təşkil edərək, avqust ayına nisbətən 0,1 bənd azalıb.

2020-ci ilin sonunda Çində inflyasiya səviyyəsi 2,5% idi ki, bu da keçən il 3,5% olaraq təyin olunan hədəfdən aşağıdır. 2021-ci ildə səlahiyyətlilər inflyasiya hədəfini 3% olaraq təyin ediblər.

Bu ilin yanvar-sentyabr aylarında Çində adambaşına düşən gəlirlər illik 10.4% artaraq 26.265 yuan (cari məzənnə ilə təxminən 4085 dollar) təşkil edib. Bu barədə Çin Xalq Respublikası Dövlət Statistika İdarəsinin bazar ertəsi açıqladığı hesabatda deyilir.

Qeyd edilib ki, inflyasiya nəzərə alınmaqla illik ifadədə artım tempi 9,7% təşkil edib. Hesabatda kənd sakinlərinin gəlirlərinin yanvar-sentyabr aylarında 11,6% (qiymət artımı nəzərə alınmaqla - 11,2%) artaraq 13726 yuan (təxminən 2135 dollar) olduğu bildirilir. Şəhər sakinlərinin gəliri 9,5% artaraq (8,7% inflyasiyaya görə) 35,946 yuan (təxminən 5,590 dollar) səviyyəsinə yüksəlib.

Həmçinin oxu

Dünyanın ikinci iqtisadiyyatının sürəti zəifləyib

Çin hakimiyyəti bu ilin yanvar-sentyabr aylarında 2021-ci ilin hədəfinin 95%-i olan 10,45 milyon yeni iş yeri açıb. Bu barədə Çin Xalq Respublikası Dövlət Statistika Komitəsinin bazar ertəsi açıqladığı hesabatda deyilir.

Hesabatdan görünür ki, bu ilin sentyabr ayında Çinin şəhər əhalisi arasında işsizlərin payı 4,9% təşkil edib ki, bu da avqust ayı ilə müqayisədə 0,2 faiz bəndi azdır və ötən ilin eyni dövrü ilə müqayisədə 0,5 faiz aşağıdır. Eyni zamanda, 16-24 yaş arası vətəndaşlar arasında işsizlik nisbəti 14,6%, 25-59 yaş arası əhali arasında işsizlərin payı 4,2%-ə çatıb.

Bir müddət əvvəl Çin hakimiyyəti pandemiyanın əmək bazarına və məşğulluq vəziyyətinə mənfi təsir etdiyini qeyd etmişdi.

Hesabatda qeyd edilib ki, hazırda ümumi məşğulluq vəziyyəti sabitdir, şəhər əhalisi arasında işsizlik nisbəti "orta dərəcədə azalır".

2020-ci ildə Çin hakimiyyəti planı 131,8% yerinə yetirərək 11,86 milyondan çox yeni iş yeri açıb. Ötən il işsizlik səviyyəsi 5,2% idi.