Muğanbank Rusiya bankı ilə əməkdaşlığa başladı

Muğanbank Rusiya bankı ilə əməkdaşlığa başladı

Rusiya mallarının Azərbaycana ixracı maliyyələşdiriləcək.

Muğanbank Rusiya bankı ilə əməkdaşlığa başladı

(®️) “Muğanbank” ASC Rusiya İxrac Mərkəzi Şirkətlər Qrupuna daxil olan “Roseksimbank” SC ilə əməkdaşlığa başlayıb.

“Muğanbank” ASC və “Roseksimbank” SC Rusiya mallarının Azərbaycana ixrac tədarükünü maliyyələşdirmək barədə razılığa gəliblər.

Rusiya məhsullarının potensial idxalçılarına əsas maliyyə alətləri ilə hərtərəfli məhsul təklifi veriləcəkdir.

"Rusiya ilə Azərbaycan arasında ticarətin dəstəklənməsi üçün akkreditivlər, qarantiyalar, xarici alıcılara birbaşa kreditlər, xarici alıcıların banklarına kreditlər və ixrac gəlirləri lə təmin edilmiş debitor borclarının maliyyələşdirilməsi həyata keçiriləcəkdir. Bu, “Muğanbank” ASC-nin müştərilərinə Rusiya Federasiyasından Azərbaycan Respublikasına mal və xidmətin ixrac olunmasında dəstək göstərəcəkdir", -“Muğanbank”-ın yaydığı məlumatda bildirilir.

Azərbaycan maliyyə-bank sektorunun tanınmış qurumlarından biri olan "Muğanbank" ASC 1992-ci ildə fəaliyyətə başlamışdır. Hal-hazırda Bankın ölkə ərazisində 23 filialı və 10 şöbəsi, həmçinin Moskva şəhərindəki nümayəndəliyi hər növ bank məhsulları üzrə keyfiyyətli xidmət göstərir. "Muğanbank" ASC ABŞ Beynəlxalq İnkişaf Agentliyi (USAID), ICBC Bank - Industrial and Commercial Bank of China təşəbbüsü ilə yaradılan "Belt and Road Bankers Roundtable Mechanism" (BRBR - "Bir Kəmər-Bir Yol" Banklarının Dəyirmi Masası), Avropa Yenidənqurma və İnkişaf Bankı (EBRD), Beynəlxalq Maliyyə Korporasiyası (IFC), ABŞ-ın WorldBusiness Capital (WBC) investisiya fondu, Xarici Özəl İnvestisiyalar Korporasiyası (OPIC), Özəl Sektorun İnkişafı üzrə İslam Korporasiyası (ICD), İnkişaf üçün Yaşıl Fond (GGF), Cənub-Şərqi Avropa üzrə Avropa Fondu (EFSE), Almaniya Əmanət Banklarının Beynəlxalq Əməkdaşlıq Fondu (SBFIC) kimi beynəlxalq iqtisadi qurumlarla əməkdaşlıq edir. Muğanbankın xidmət və məhsulları haqqında ətraflı məlumat almaq üçün 933 Məlumat Mərkəzinə zəng edə və ya www.muganbank.az saytına keçid ala bilərsiniz.

13.10.2021 09:39

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az