Avropada təbii qazın qiyməti tarixdə ilk dəfə 1000 dolları keçdi

Avropada qazın qiyməti tarixdə ilk dəfə olaraq 1000 kubmetr üçün 1000 dolları keçdi

Avropada təbii qazın qiyməti tarixdə ilk dəfə 1000 dolları keçdi

Sentyabrın 28 -də ticarətin açılışında Avropada təbii qazın qiyməti tarixdə ilk dəfə olaraq 1000 kubmetr üçün 1000 dolları keçib.

Marja xəbər verir ki, bu, ICE birjasının məlumatlarından məlum olur.

VTB-də yüksək depozit faizləri daha çox qazandırır

Oktyabr fyuçerslərinin qiyməti artımı 1000 kubmetr üçün 1031,3 dollara qədər sürətlənib.

Günün əvvəlindən etibarən qaz qiymətlərində ümumi artım 11%-i keçib.

Xatırladaq ki, Sentyabrın 15-də keçirilən hərracda qazın qiyməti 150 dollar artmış, bir neçə dəfə tarixi rekordu yeniləmiş və 1000 kubmetrə görə 970 dollara çatmışdı. Sonrakı günlərdə qiymət 800-900 dollar aralığında dəyişirdi.

Hava şəraiti ilə əlaqədar olaraq təbii qaza təlabatın artması, qaz anbarlarında ehtiyatların azalması, mayeləşdirilmiş təbii qazın (LNG) qiymətlərin daha yüksək olduğu Asiya bazarlarına daşınması Avropada təbii qazın bahalaşmasının əsas səbəbləridir. Avropada iddia olunur ki, təbii qazın bahalşaması Rusiya ilə bağlıdır. Guya Rusiya Avropaya qaz nəqlini azaldıb. Rusiya bu ittihamları qəbul etmir.

"Gazprom"un İxrac və qiymət şöbəsinin müdiri Sergey Komlev bildirib ki, 2021-ci ildə Rusiyadan Avropaya boru kəməri qazı tədarükü ən yüksək həddə çatıb və "Gazprom"un qaz hasilatı da 18,4%a artıb. Eyni zamanda, Avropa qaz bazarı 2021-ci ilin ilk yarısında mayeləşdirilmiş təbii qazın (LNG) Asiya-Sakit Okean və Cənubi Amerika bazarlarına axını ilə üzləşib, Avropanın qaz idxalındakı payı 41,5%-dən 31%-ə düşüb. Bu dövrdə Avropaya LNG tədarükü 10,74 milyard kubmetr və ya 15,9% azalıb.

Bir müddət əvvəl "Gazprom"un İdarə Heyətinin sədri Aleksey Miller, Avropanın yeraltı qaz anbarlara qaz vurması və artan tələbat ilə əlaqədar olaraq Avropada təbii qaz qiymətlərinin rekordlar qırdığını və yaxın gələcəkdə yeni rekordlar qıra biləcəyini söyləyib.

28.09.2021 11:31