(®️) Microsoft, Azərbaycan Respublikası Təhsil Nazirliyi ilə birqə 2021-2022 il üzrə MIE Expert proqramının açılışını elan edib.

Microsoft Innovative Educator Expert – siniflərdə və sinif xaricində texnologiyaları tətbiq etməyi bacaran, və bu sahədə təcrübəsi ilə bölüşməyə və öz məktəblərində, proqram iştirakçıları olan məktəblərdə, eləcə də xarici məktəblərdə Microsoft texnologiyaları üzrə məsləhətçi olmağa hazır olan insanlar üçün nəzərdə tutulan proqramdır.

Microsoft Korporasiyası uzun illər boyunca bütün dünyada, o cümlədən Azərbaycanda illik tədris və məktəb proqramları təşkil edir. Bu proqramlar, qabaqcıl təlim və tədris üsullarını qəbul edərək, məktəblərinin tədris sistemini təkmilləşdirmək və tədris nəticələrini yüksəltmək məqsədilə  öz məktəblərində və siniflərində yeni tədris üsulları tətbiq edən, təhsil sahəsində fəaliyyət göstərən dünya liderlərinin və maarifçilərinin dəyərləndirilməsinə yönləndirilib.  

MIE Expert proqramı iştirakçılar üçün aşağıdakı imkanları yaradacaq:

- Sinif daxilində və xaricində, yeni tədris üsulları, texnologiyaları və formaları ilə tanışlıq;

- Tədris üzrə qlobal mütəxəssis pedaqoqlar birliyində üzvlük və təcrübə mübadiləsi;

- Microsoft tədbirlərində iştirak;

- Beynəlxalq qruplarda, proqramlarda və layihələrdə iştirak: Master Teacher, Microsoft Fellow, yeni məhsulların yoxlanması üzrə fokus-qruplar, könüllü hərəkatları;

- Sertifikasiya sahəsində irəlləyiş.

Azərbaycandan programa qatılmaq üçün pedaqoqlar (sinif müəllimləri, məktəb rəhbərləri, tədris/təlim üzrə peşəkar mütəxəssislər, təhsil məsləhətçiləri, tədris proqramı üzrə mütəxəssislər və başqa tədris və təhsil proseslərində rolu olan şəxslər nəzərdə tutulur) aşağıdakı link vasitəsi ilə onlayn-ərizə göndərə bilər: https://msedu.eventcore.com/

Qeyd edək ki, Süni İntellektin imkanları sayəsində Azərbaycan dilini tanıyan Microsoft Edge üçün Tərcüməçi – dən istifadə edərək, iştirakçılar ərizə formasını doğma dildə doldura bilərlər.  

Nominasiyalar 15 iyul tarixinə qədər təqdim olunmalıdır. Lakin, 8 iyul tarixinə qədər ərizənizi göndərib, birinci mərhələdən keçməyəcəksinizsə, 15 iyul tarixinə qədər təkrar ərizə göndərərək, namizədliyinizi irəli sürə bilərsiniz.

Nominasiya çərçivəsində sizə ünvanlanacaq sualları öncədən yoxlamaq üçün buraya daxil ola bilərsiniz.

MIE mütəxəssisləri, anketdə göstərilmiş cavablar, peşəkar fəaliyyətində innovasiyaların və Microsoft  tətbiqlərinin istifadə səviyyəsi, eləcə də MİE ekspert proqramında iştirakın gələcək təlim tədris prosesinə təsirinin ətraflı təsviri əsasında regional Microsoft təmsilçisi tərəfindən seçiləcəklər.

Şirkət haqqında:

Microsoft (Nasdaq “MSFT” @microsoft) «intellektual bulud» və «intellektual texnologiyalar» dövründə rəqəmsal transformasiya üçün şərait yaradır. Şirkətin missiyası – planetimizdə yaşayan hər insana və hər təşkilata daha çoxuna nail olmaq üçün imkan yaratmaqdır.