E-taksi nəhəngindən yeni hədəf - 100 MİLYARD DOLLAR

E-taksi nəhəngindən yeni hədəf - 100 MİLYARD DOLLAR

İllik 493 milyon aktiv sərnişin, 15 milyon aktiv sürücü, 22 milyard dollar gəlir....

E-taksi nəhəngindən yeni hədəf - 100 MİLYARD DOLLAR

Çinin ən iri elektron taksi və avtomobillərin icarəsi xidməti Didi Chuxing ABŞ-da IPO-ya (Səhmlərin İlkin Kütləvi Yerləşdirilməsi) çıxır.

Marja xəbər verir ki, listinqdə qeydiyyatdan keçmək üçün sənədləri ABŞ-ın Qiymətli Kağızlar və Mübadilə Komissiyasına (SEC) təqdim edən şirkət ötən il 21,6 milyard dollar gəlir əldə etdiyini açıqlayıb. Cari ilin birinci rübündə isə Didi-nin gəlirləri 6,4 milyard dollar (ötən ilin birinci rübü ilə müqayisədə 107% artım), xalis mənfəəti 95 milyon dollar təşkil edib. Ötən il Didi-nin aktiv sürücülərinin sayı 15 milyon, aktiv sərnişin sayı isə 493 milyon nəfər olub.

VTB-də yüksək depozit faizləri daha çox qazandırır

Şirkətin ən böyük səhmdarları indiyə qədər Didiyə 10 milyard dollara qədər investisiya yatırmış Yaponiyanın maliyyə nəhəngi SoftBank (21,5%), qlobal taksi xidməti Uber (12,8%) və Çinin ən iri texnologiya şirkətlərindən olan Tencentdir (6,8). 2018 və 2019-cu illərdə Didi Chuxing-in gəlirləri 11% artdığı halda, pandemiya səbəbindən 2020-ci ildə 10% azalıb, xalis zərər 1,6 milyard dollar təşkil edib. Müqayisə üçün bildirək ki, Uberin 2020-ci il üzrə gəlirləri 11,14 milyard dollar, xalis zərəri 6,77 milyard dollar, 2021-ci ilin birinci rübü üzrə isə gəlir 2,9 milyard dollar, zərər 108 milyon dollar təşkil edib.

Ötən ilin avqustundakı sonuncu maliyyələşmə raundunda Didi Chuxingin SoftBank, Alibaba və Tencent kimi maliyyə-texnoloji investorlardan cəlb etdiyi vəsait hesabına şirkətin bazar dəyəri 60 milyard dolları keçib. Şirkət indiyə qədər üstünlük verdiyi birbaşa maliyyələşmə mexanizmindən fərqli olaraq, ilk dəfə səhmlərini açıq satışa çıxarmaq və daha çox investisiya cəlb etməklə hazırda Çin, Yaponiya, Honkonq, Tayvan, Avstraliya, Cənubi Afrika, Meksika, Braziliya, Kolumbiya, Çili, Peru, Kosta Rika, Panama, Rusiya və başqa ölkələri əhatə edən xidmət coğrafiyasını genişləndirmək niyyətindədir. Bloomberg bu il dünyada ən iri texnoloji IPO-lardan olacaq yeni mərhələdə Didi-nin 100 milyard dollar bazar dəyərinə çatmasını proqnozlaşdırır.

11.06.2021 10:18

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az