(®️) Azərbaycanın aparıcı korporativ maliyyə institutu “PAŞA Bank”, ölkədə İT sahəsinin inkişafına dəstək verməyə və bu sahədə bacarıqlı kadrları üzə çıxarmağa davam edir. Belə ki, Bank, ənənəsinə sadiq qalaraq növbəti dəfə “PASHA Bank CUP” yarışmasını keçirir.

Yarışmanın əsas məqsədi iştirakçılara yeni fundamental biliklər əldə etmək, bacarıqlarını genişləndirmək və peşəkar keyfiyyətlərini nümayiş etdirmək üçün əlverişli şərait yaratmaqdır. Yarışmada məktəblilər, tələbələr və peşəkar proqramçılar daxil olmaqla, müxtəlif yaş qruplarına aid istedadlı yerli proqramçılar iştirak edə bilər.

Sayca üçüncü dəfə keçirilən bu yarışma 4 təsnifat və 1 final mərhələsindən ibarət olacaq. Hər bir təsnifat mərhələsində ölkənin ən güclü beyinləri fərqli fundamental mövzularda onlayn müsabiqələrdə yarışacaq. Təsnifat mərhələlərində ən çox bal toplayan iştirakçılar isə yarışmanın oflayn şəkildə keçiriləcək final mərhələsinə qatılacaq və "PASHA Bank Cup III" kuboku uğrunda mübarizə aparacaq.

Hər yaş kateqoriyasında ilk üç yerin qalibləri “PAŞA Bank” tərəfindən dəyərli hədiyyələrlə mükafatlandırılacaq. Ən əsası isə, yarışma zamanı yüksək nəticələr göstərən iştirakçılar Bankın Rəqəmsal Mühəndislik departamentində təcrübə proqramına qatılmaq, hətta Bankda işləmək imkanı əldə edəcək.

Beləliklə, "PASHA Bank Cup III" yarışmasının ilk təsnifat mərhələsi 21 may 2021-ci il tarixində başlayacaq və üç gün ərzində qüvvədə olacaq. Müsabiqənin mövzusu “Kodlaşdırma tətbiqi” (Implementation) olacaq. Bir neçə alqoritm sualından ibarət olan bu mərhələdə iştirakçıların ümumi kodlaşdırma və sadə alqoritmik təfəkkürü sınaqdan keçiriləcək. Müsabiqə başladıqdan sonrakı 4 saat ərzində sualları bitirmək tələb olunacaq.

Müsabiqəyə qatılmaq istəyən proqramçılara hər bir müsabiqədən öncə mövzulara hazırlaşmaq üçün mənbə və vaxt da veriləcək. Bununla da, şagirdlər, tələbələr və peşəkar proqramçılara proqramlaşdırma üzrə ən vacib olan fundamental bilikləri artırmaq və yeniləmək imkanı yaradılacaq.

Biliklərinizi artırmaq, yeni məlumatlar əldə etmək və müsabiqədə daha uğurlu nəticələr göstərmək üçün “PAŞA Bank”ın Rəqəmsal Mühəndislik komandası aşağıdakı kitabları və kursları tövsiyə edir:

- Kitablar:

Algorithms, 4th Edition by Robert Sedgewick and Kevin Wayne

The Algorithm Design Manual by Steven Skiena  

- Onlayn kurslar:

https://www.coursera.org/learn/algorithms-part1

https://www.coursera.org/learn/algorithms-part2

https://www.udemy.com/course/learn-data-structure-algorithms-with-java-interview/

Ətraflı məlumat əldə etmək və yaranan suallara cavab almaq üçün müsabiqənin rəsmi Teleqram kanalına https://t.me/digitalengineer qoşula bilərsiniz.