“Premium Bank” ilk rübü mənfəətlə bağlayıb - MALİYYƏ VƏZİYYƏTİ

“Premium Bank” ilk rübü mənfəətlə bağlayıb - MALİYYƏ VƏZİYYƏTİ

“Premium Bank” ilk rübü mənfəətlə bağlayıb - MALİYYƏ VƏZİYYƏTİ

“Premium Bank” ASC 2021-ci ilin ilk rübünü 5 milyon 345 min manat xalis mənfəət ilə başa vurub. Bu, ötən ilin eyni dövrü ilə müqayisədə 11,7% azdır. Bank ötən ilin ilk rübünü 6 milyon 55 min manat xalis mənfəət ilə bağlamışdı.

Marja xəbər verir ki, 2021-ci ilin ilk rübündə Premium Bankın cəmi əməliyyat gəlirləri 11 milyon 3 min manat təşkil edib. 2020-ci ilin ilk rübündə Premium Bankın cəmi əməliyyat gəlirləri 13 milyon 403 min manat olmuşdu. Bankın faiz gəlirləri 8 milyon 852 min manatdan 8 milyon 302 min manata, qeyri-faiz gəlirləri isə 4 milyon 551 min manatdan 2 milyon 701 min manata geriləyib.

VTB-də minimal faiz dərəcəsi ilə nağd kredit 10.49%-dən

ƏMƏLİYYAT ZƏRƏRİ YARANIB

İlk rübdə Premium Bankın 11 milyon 3 min manat cəmi əməliyyat gəlirlərinə qarşı 11 milyon 665 min manat əməliyyat xərcləri olub (ötən ilin eyni dövründə 11 milyon 909 min manat). Xərclər gəlirləri üstələdiyindən Bankın 662 min manat əməliyyat zərəri yaranıb. Lakin mümkün zərərlər üçün yaradılan məqsədli ehtiyatlardan 6 milyon 6 min manatın azad olması həm əməliyyat zərərini bağlayıb, həm də 5 milyon 345 min manat xalis mənfəət yaranıb.

BANK BÖYÜYÜB

31 Mart 2021-ci il tarixində “Premium Bank” 673 milyon 460 min manat cəmi aktivlərə, o cümlədən 518 milyon 923 min manat kredit portfelinə (müştərilərə verilmiş kreditlər) malik olub. Bank ötən ilin sonunda 653 milyon 299 min manat cəmi aktivlərə və 570 milyon 103 min manat cəmi kredit portfelinə malik idi. Aktivlərin artması nağd pul vəsaitlərinin artmasından qaynaqlanır.

MƏCMU KAPİTALI ARTIB

31 Mart 2021-ci il tarixində “Premium Bank” 178 milyon 658 min manat məcmu kapitala malik olub. Bank ötən ilin sonunda 173 milyon 917 min manat məcmu kapitala malik idi.

22.04.2021 11:33

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az