Bu il Azərbaycanda kredit kartlarının sayı 50 min ədəddən çox artıb

Bu il Azərbaycanda kredit kartlarının sayı 50 min ədəddən çox artıb

Bu il Azərbaycanda kredit kartlarının sayı 50 min ədəddən çox artıb

Azərbaycanda ödəniş kartlarının artması 2021-ci ilin Mart ayında da davam edib.

Marja Mərkəzi Banka istinadən xəbər verir ki, 2021-ci ilin Mart ayının sonunda ödəniş kartlarının ümumi sayı 9 milyon 769 min ədəd təşkil edib.

Fevral ayının sonu ilə müqayisədə Mart ayı ərzində cəmi ödəniş kartlarının sayı 190 min ədəd artıb. Fevralda ayında cəmi ödəniş kartlarının sayı 166 min ədəd artmışdı.

Martda sosial kartların sayı 8 min ədəd artaraq 3 milyon 458 min ədədə, əməkhaqqı kartlarının sayı 39 min ədəd artaraq 2 milyon 599 min ədədə, sosial və əməkhaqqı kartı olmayan digər debet kartlarının sayı 118 min ədəd artaraq 2 milyon 567 min ədədə, kredit kartlarının sayı isə 24 min ədəd artaraq 1 milyon 145 min ədədə çatıb.

Ötən ilin sonu ilə müqayisədə ilk rübdə cəmi ödəniş kartları 539 min ədəd artıb.

İlk rübdə (yanvar-mart dövründə) sosial kartların sayı 15 min ədəd, əməkhaqqı kartlarının sayı 98 min ədəd, sosial və əməkhaqqı kartı olmayan digər debet kartlarının sayı 374 min ədəd, kredit kartlarının sayı isə 52 min ədəd artıb.

Qeyd edək ki, 2020-ci il ərzində cəmi ödəniş kartlarının sayı 1 milyon 964 min ədəd artmışdır. 2019-cu ilin sonunda cəmi ödəniş kartlarının sayı 7 milyon 266 min ədəd təşkil etmişdir.

2020-ci il ərzində sosial kartların sayı 1 milyon 60 min ədəd, əməkhaqqı kartlarının sayı 185 min ədəd, digər debet kartlarının sayı 424 min ədəd, kredit kartlarının sayı isə 296 min ədəd artmışdı.

2020-ci ildə yeni aqrokartların, birdəfəlik sosial müavinət (190 manat) üçün kartların, bağlanmış bankların əmanətçilərinə kompensasiya alınması üçün kartların verilməsi və iş yerlərinin rəsmiləşdirilməsi kart sayında böyük artıma səbəb olmuşdu.

22.04.2021 09:55

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az