İtaliyanın Baş naziri Mario Draghi, Türkiyə Prezidenti Rəcəb Tayyib Ərdoğanla əlaqədar bir suala cavab verərkən "diktator" ifadəsini istifadə edib.

Marja xəbər verir ki, İtalyanın Türkiyədəki səfiri Massimo Gaiani Xarici İşlər Nazirliyinə çağırılıb. Türkiyənin Xarici işlər naziri Mevlüt Çavuşoğlu, "Draghinin Prezidentimiz haqqındakı çirkin və həddsiz ifadələrini kəskin qınayır, özünə qaytarırıq" deyib.

Türkiyə Böyük Millət Məclisinin sədri Mustafa Şentop, Twitter hesabından etdiyi paylaşmasında, "İtalyanın çarəsizlikdən baş nazir etdiyi şəxsin Türkiyəyə və Prezidentimizə istiqamətli çirkin sözlərini rədd edir və özünə qaytarırıq. Naşı və səviyyəsiz siyasətçi ölkəsinin kürəyində ağır və talehsiz bir yükdür" yazıb.

Türkiyə Prezident Administrasiyasının İctimaiyyətlə əlaqələr rəhbəri Fahrettin Altun sosial media hesabından İtalyanca etdiyi paylaşmada bunları qeyd edib:

"İtalyanın təyin edilmiş Baş naziri, Türkiyə əhalisinin 52% səs nisbətilə Prezident seçdiyi hörmətli Rəcəb Tayyib Ərdoğana "diktator" deyərək həddini aşmışdır. Diplomatiyada yeri olmayan bu üslubu şiddətlə qınayırıq. Diktator axtaran İtaliya tarixinə baxsın".

Mario Draghi dünən Romada təşkil etdiyi mətbuat konfransında, Avropa Birliyi (AB) liderlərinin Türkiyə ziyarəti əsnasında yaşanan protokol müzakirələrilə əlaqədar bir sualı da cavablandırıb. 

Draghi, Avropa Komissiyasının sədri Ursula von der Leyen Ankarada Prezident Ərdoğan ilə görüşündə ayaqda qaldığı görüntülər ilə əlaqədar olaraq bunları söyləyib:

"Türkiyə Prezidenti Ərdoğanın davranış şəklini qatılmıram, uyğun olmadığını düşünürəm. Komissiya sədri Ursula von der Leyenin məruz qaldığı alçaltma məni çox məyus etdi. Lakin burada üzərində dayanmamız lazım olan bir şey var: adını qoyaq, bu "diktator" deyə biləcəyimiz şəxslərə ehtiyacımız da var. Fikir, davranış və cəmiyyət vizionu baxımından fərqliliklərimizi dilə gətirməkdə açıq olmalıyıq, amma ölkəmizin mənfəətləri üçün əməkdaşlığa da hazır olmalıyıq. Doğru tarazlığı tapmalıyıq."