ABŞ Prezidenti Co Bayden (Joe Biden), 2,25 trilyon dollar məbləğində infrastruktur və məşğulluq proqramını açıqlayıb.

Marja xəbər verir ki, proqramı Pittsburghda açıqlayan Bayden deyib:

"Bu plan hər kəsə yeni fürsətlər yaratmaq üçün var. İndi iqtisadiyyatı ən aşağıdan ən üstə qədər yenidən tikmək zamanıdır. İnfrastruktur planı məşğulluq və ailələr olmaq üzrə iki hissədən ibarətdir. Amerika bir neçə həftə ərzində ailələr ilə əlaqədar planı danışacaq. Müqavilələr amerikalı olmayan şirkətlərə getməyəcək. İnternet xidmətində qiymət azalacaq. Bu nəhəng infrastruktur planı milyonlarla məşğulluq yaradacaq. Bu planla birlikdə çip, bio-texnologiya və enerji sahəsində ABŞ-ın rolu yüksələcək".

Biden vergi ödəməmək üçün boşluqlardan faydalanan şirkətləri işarə edib.

Biden, hər hansı bir federal vergi ödəməmək üçün müxtəlif boşluqlardan istifadə edən Amazon daxil 91 "Fortune 500" şirkəti olduğunu  bildirib və əlavə edib: "Onları cəzalandırmaq istəmirəm, bu, çox səhv olar.  Bir xilasedici və ya bir müəllim 22% vergi ödəyirkən Amazon sıfır vergimi ödəyir? Bunun milyonerləri cəzalandırmaqla heç bir əlaqəsi yoxdur. Milyonerlərə və milyarderlərə qarşı heç bir planım yoxdur. Məqsədim zənginləri hədəf almaq deyil, epidemiya səbəbilə pisləşən vəziyyəti düzəltmək və bərabərsizliyi azaltmaqdır". Biden, Amerikan kapitalizminə inandığını da sözlərinə əlavə edib.

"İllik 400.000 dollardan aşağı gəliri olanlar üçün vergi artmayacaq. Korporativ vergilərin 28%-ə çıxarılmasından kimsə şikayət etməməlidir. 400.000 dollardan aşağı üçün vergi artımı xaricindəki fikirlərə açığam. Təkrar söyləyirəm, 400.000 dollardan aşağı qazanan heç kim federal vergilərinin artdığını görməyəcək".

Qeyd edək ki, plan, yollar, körpülər, və limanlar olmaq üzrə infrastrukturu yenidən tikmək üçün 621 milyard dollarlıq bir məbləği ehtiva edir. Elektrikli vasitə bazarı üçün 174 milyard dollar nəzərdə tutulur. 2030-cu ilə qədər ölkə böyük enerji doldurma şəbəkəsi qurulacaq. Bu planda  istehsalı dəstəkləmək, ölkənin elektrik şəbəkəsini dəstəkləmək, yüksək sürətli internet və təmiz içmə suyu təmin etmək üçün ölkənin su sistemlərini yenidən tikmək və yaxşılaşdırmaq üçün 213 milyard dollar nəzərdə tutulub.