Azərbaycanda enerjisi istehsalı azalıb

Azərbaycanda enerjisi istehsalı azalıb

Energetika Nazirliyinin yaydığı məlumata görə, cari ilin fevral ayında respublika üzrə elektrik enerjisinin istehsalı 2192,4 mln. kVt·st, ixracı 158,8 mln. kVt·st, idxalı isə 10,1 mln. kVt·st olub.

VTB-də yüksək depozit faizləri daha çox qazandırır

Cari ilin yanvar-fevral aylarında isə respublikada elektrik enerjisinin istehsalı 4560,8 mln. kVt·st olub. Hesabat dövründə ötən ilin 2 ayına nisbətən elektrik enerjisinin istehsalı İES-lərdə 125,7 mln. kVt·st azalaraq 4364,2 mln. kVt·st, SES-lərdə 13,8 mln. kVt·st artaraq 140,7 mln. kVt·st olub, digər mənbələr (KES, GES və BMTYZ) üzrə isə 55,9 mln. kVt·st təşkil edib. Bu dövrdə külək elektrik stansiyalarında 15,07 mln. kVt·st, günəş elektrik stansiyalarında 5,5 mln. kVt·st, bərk məişət tullantılarının yandırılması zavodunda 35,34 mln. kVt·st elektrik enerjisi istehsal edilib.

İki ay ərzində elektrik enerjisinin istehsalı “Azərenerji” ASC üzrə 4121,2 mln. kVt·ts (İES-lərdə 3993,3 mln. kVt·st, SES-lərdə 127,9 mln. kVt·st), Naxçıvan MR Dövlət Energetika Xidməti üzrə 54,1 mln. kVt·st (İES-lərdə 37,9 mln. kVt·st, SES-lərdə 11,1 mln. kVt·st, Günəş ES-də 5,1 mln. kVt·st), müstəqil elektrik stansiyaları üzrə 374,7 mln. kVt·st, “Azərişıq” ASC üzrə külək elektrik stansiyalarında isə 10,79 mln. kVt·st təşkil edib.

Hesabat dövründə elektrik enerjisinin idxalı 21,1 mln. kVt·st olub. İrandan 5,8 mln. kVt·st, Rusiyadan 15,3 mln. kVt·st, Gürcüstandan isə 0,02 mln. kVt·st elektrik enerjisi idxal edilib.

Bu dövrdə elektrik enerjisinin ixracı 333,9 mln. kVt·st olmaqla, ötən ilin müvafiq dövrünə nisbətən 6,2 mln. kVt·st artıb. İrana 5,9 mln. kVt·st, Türkiyəyə 12,7 mln. kVt·st, Rusiyaya 14,7 mln. kVt·st, Gürcüstana isə 300,6 mln. kVt·st elektrik enerjisi ixrac edilib.

19.03.2021 11:30

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az