Sənaye nəhəngi biznesinin bir hissəsini satır - 30 MİLYARD DOLLARLIQ SÖVDƏLƏŞMƏ

Sənaye nəhəngi biznesinin bir hissəsini satır - 30 MİLYARD DOLLARLIQ SÖVDƏLƏŞMƏ

General Electric şirkəti aviasiya lizinq bölməsini 30 milyard dollara əsas rəqiblərindən birinə satır

Sənaye nəhəngi biznesinin bir hissəsini satır - 30 MİLYARD DOLLARLIQ SÖVDƏLƏŞMƏ

ABŞ-ın ən böyük sənaye qruplarından biri olan General Electric özünün aviasiya lizinq bölməsini (Gecas) İrlandiyanın AerCap təyyarələrin lizinqi qrupuna 30 milyard dollardan artıq qiymətə satmağa yaxındır.

Marja xəbər verir ki, sənaye nəhənginə yaxın olan mənbələrin bildirdiyinə görə, General Electric Kapital Aviasiya Xidmətlərini (Gecas) AerCapla birləşdirəcək sövdələşmə barəsində bazar ertəsi rəsmi açıqlama verilə bilər.

VTB-də yüksək depozit faizləri daha çox qazandırır

Bu sövdələşmə 2018-ci ildən etibarən General Electricə rəhbərlik edən Larri Kalpın sənaye qrupunun biznes fəaliyyətini yenidən təşkil etmək və biznes modelinə uyğun gəlməyən sahələrdən azad olmaq tədbirlərinin tərkib hissəsidir.

Məlumat üçün bildirək ki, General Electric Kapital Aviasiya Xidmətləri aktivində 1700-dən artıq təyyarə ilə qlobal miqyasda aviasiya lizinq şirkətləri arasında liderlərdən biridir. Şirkət əsasən Boeing və Airbus kimi nəhənglərdən təyyarələr alır və onları müxtəlif aviasiya kompaniyalarına icarəyə verir.

General Electricin əsas problemləri hələ 2008-ci ildə baş vermiş qlobal maliyyə böhranından ciddi ziyan çəkmiş maliyyə bölməsi olan Kapital Xidmətlərindən qaynaqlanır. Son beş ildə şirkət özünün bir sıra böyük aktivlərini satmışdır, bunların sırasında 21 milyard dollara Danaher şirkətinə satılmış biotexnologiya bölməsi və neft xidmətləri sahəsində ixtisaslaşmış Baker Hughes şirkətindəki paylarını göstərmək olar. 2019-cu ildə isə Bloomberg xəbər verirdi ki, Apollo Global Management özəl investisiyalar qrupu Gecas-ı 40 milyard dollara almaq niyyətindədir.

General Electriclə sövdələşmə rəsmiləşərsə, AerCap özünün əsas biznesini daha da genişləndirəcəkdir. Şirkət hələ ötən il Norveçin çətin vəziyyətdə olan dövlət şirkəti Norwegian Air Shuttle-ın 15.9 faiz paylarını almaqla, onun ən böyük səhmdarına çevrilmişdir. 2013-cü ildə isə həmin vaxt aviasiya lizinq xidmətlərində qlobal lider olan International Lease Finance Corporation-u 7.6 milyard dollara almışdır və bundan sonra bazarda əsas pay sahibidir.

General Electric Gecas AerCap Danaher Baker Hughes Apollo lizinq Kapital Aviasiya Xidmət

08.03.2021 09:02

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az