Daşıyıcı şirkətlərin Gömrük Komitəsindən şikayətləri davam edir

Daşıyıcı şirkətlərin Gömrük Komitəsindən şikayətləri davam edir

Daşıyıcı şirkətlərin Gömrük Komitəsindən şikayətləri davam edir

Son dövlər Gömrük Komitəsinin xaricidən gətirilən malların daşınması prosesinə əlavə və dəyişikliklərindən sonra həm daşıyıcı şirkətlər, həm də əhali öz narazılıqlarını bildirirlər. Gömrük Komitəsi isə hər şeyin qaydasında olduğunu bildirir.

Bu gün, Azərbaycanın aparıcı çatdırılma şirkətlərindən biri olan "Starex" MMC-nin həmtəsisçisi Sabir Niftaliyev sosial şəbəkədə Gömrük Komitəsi ilə şirkət arasında yaşanan növbəti anlaşılmazlıq haqqında məlumat vermişdir. O iddia edir ki, gömrük məmurları özlərinə şirkət qurublar və bu mexanizmlə mövcud şirkətləri bazardan sıxışdırmaq niyyətindədədirlər.

O bu haqqda yazır:” Köhnə şirkətlər sıxışdırılır. Yenilərə şərait yaranır. Səbəb nədir? İcazə verin şübhələnək…

Yeni "smart customs" sisteminin tətbiqindən sonra poçt operatorlarının (hərçəndki gömrük onları daşıyıcı şirkət adlandırır) xarici anbarlardakı iş yükü də, xərci də xeyli artıb. Təsəvvür edin əvvəl gələn bağlamalar sistemə işlənib birbaşa göndərişə hazır vəziyyətə gətirilirdi, indisə bağlamalar anbara daxil olduqdan sonra gözlədilməli, vətəndaş bəyan etdikdən sonra göndərilməlidir. Bu sistemə keçid mərhələsində də kiçik problemlər olması qaçılmazdır. Bəs bu kiçik problemlərə görə şirkəti və müştərini incitmək nə dərəcədə doğrudur? Konkret nümunə üçün bunu deyim ki, dünən gömrük anbarına daxil olan bağlamalardan biri unudulub xarici anbarda qalıb. İndi gömrük deyir ki, o bir bağlama da gəlsin bunları elə çıxarda bilərsiz. Bunda hansısa məntiq əlbəttə ki, yoxdur. Mən artıq bəzi gömrük məmurları özlərinə şirkət qurub və bu mexanizmlə də mövcud şirkətləri sıxışdırmaq niyyətindədədirlər deyə düşünürəm. Mən hələ ki, düşünürəm bunun dəqiq olduğunu yəqin edəndən sonra sizinlə münasibət tam fərqli olacaq. Sonra da çıxıb "bizim xidmətimizdə hansısa qüsur yoxdur" deyə bəyanat verəcəklər.”

06.03.2021 17:12

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az