"Hədəflərimizə çatmaqdan hələ də çox uzaqdayıq"

Fed sədri yumuşaq pul siyasətinin hələ bir müddət də davam edəcəyinə işarə edib. Cerom Pauelin, istiqraz faizləri və inflyasiyanın nəzarətdə saxlanılacağına dair bazarlara güclü mesajlar verə bilməməsinin ardından qlobal bazarlarda satışlar sürətlənib.

ABŞ Mərkəzi Bankının (Fed) sədri Jerome Powell (Cerom Pauel) etdiyi çıxışında, "Hədəflərimizə çatmaqdan hələ də çox uzaqdayıq" deyib.

Marja xəbər verir ki, pul siyasətində dəyişiklik üçün hədəflərə doğru gerçək bir irəliləyişin lazım olduğunu ifadə edən Jerome Powell, "Hədəflərimizə çatmaq sözümüzə güclü şəkildə bağlıyıq. Məşğulluqda artım gözləmək üçün güclü səbəblər var, ancaq 2021-ci ildə tam məşğulluğa nail olunması o qədər də mümkün deyil" şəklində danışıb.

VTB-də yüksək depozit faizləri daha çox qazandırır

"İqtisadiyyat yığışdıqca inflyasiyanın yüksəlməsini gözləyirəm" deyən Powell, "Fed, inflyasiya hədəfinə çatmaq üçün vasitələrini istifadə edəcək. İnflyasiyada bir artş görülməsi halında səbirli olacağıq. Faiz artırmağa başlamağımız bir qədər zaman tələb edir. Pul siyasətini sərtləşdirmədən əvvəl nəzər alınması lazım olan bir çox mövzu var" deyib.

Powell, istiqraz bazarındakı oynaqlığın diqqətini çəkdiyini ifadə edib və "Fed, qiymətli kağız alışlarını azaldaraq insanları çaşdırmaq istəmir. Bazarlardakı nizamsız şərtlər narahat olmaq üçün bir səbəbdir. Maliyyə şərtlərinin davamlı sərtləşməsindən narahat oluram. Qlobal aşağı inflyasiya mühiti yaxın zamanda dəyişməyəcək" deyib.

ABŞ-ın 10 illik istiqrazlarının faizləri Jerome Powell-in çıxışının ardından yenidən yüksələrək 1,53% səviyyəsinə yüksəlib. S&P 500 İndeksi isə 1,6% azalıb və 2021-ci ildəki artım silinib.

10 illik istiqraz faizləri keçən həftə 1,6% səviyyəsinədək yüksəlmişdi.

05.03.2021 06:58

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az