Qlobal qida qiymətləri 9 aydır fasiləsiz yüksəlir

Qlobal qida qiymətləri 9 aydır fasiləsiz yüksəlir

Qlobal qida qiymətləri 9 aydır fasiləsiz yüksəlir

Birləşmiş Millətlər Təşkilatının (BMT) Ərzaq və Kənd Təsərrüfatı Təşkilatı (FAO) Fevral ayı Qlobal Qida Qiymət İndeksini açıqlayıb.

Marja xəbər verir ki, FAO Qida Qiymət İndeksi Fevral ayında 2.4% artaraq 116 səviyyəsinə yüksəlib. İllik müqayisədə (ötən ilin fevral ayına nisbətən) artım 16.74% olaraq reallaşıb.

VTB-də yüksək depozit faizləri daha çox qazandırır

İndeks, fasiləsiz 9 aydır yüksəlir və 2014-cü ilin İyul ayından bu yana son 6.5 ilin ən yüksək səviyyəsini görüb.

Yanvar ayında 113.3 olan İndeksin Fevral ayındakı yüksəlişini "tətikləyən" alt qruplar arasında şəkər və bitki mənşəli yağlar olub.

Geniş şəkildə ticarəti aparılan qida məhsullarının beynəlxalq qiymətlərindəki aylıq dəyişiklikləri izləyən FAO Qida Qiymət İndeksində 5 alt qrup var.

FAO Şəkər Qiymət İndeksi, Asiyadan gələn güclü idxal tələbi, istehsalçı ölkələrdə istehsalın azalması, qlobal tədarükün daha da azalacağına dair narahatlıqlar ilə Yanvar ayı ilə müqayisədə fevralda 6,4% artıb.

FAO Bitki mənşəli Yağ Qiymət İndeksi, 6,2% artaraq 2012-ci ilin Aprel ayından bu yana ən yüksək səviyyəsinə çatıb. Palma, soya və günəbaxan yağı qiymətləri yüksəlib.

FAO Süd Məhsulları Qiymət İndeksi, Çinin idxalaının artması ilə əlaqədar olaraq 1,7% artıb. Pendir qiymətləri, qismən Amerika Birləşmiş Ştatlarındakı anbarlarda artan ehtiyatlar səbəbilə düşüb.

FAO Taxıl Qiymət İndeksi, Yanvar ayı ilə müqayisədə 1,2% artıb, səbəb Çinin tələbinin artması və istehsalın aşağı düşməsidir. Beynəlxalq qarğıdalı, buğda və düyü qiymətlərində yüksəliş yaşanıb.

FAO Ət qiymət İndeksi 0,6% artıb Səbəb ət təklifinin azalmağa başlamasıdır.

04.03.2021 14:27

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az