Artıq rəqəmsallaşan dünyamızda nağdsız ödəniş əməliyyatları da geniş vüsət almaqdadır. Bu da öz növbəsində kiberrisklərdən qorunmaq məsələsini aktuallaşdırır. Rabitəbank da təhlükəsizliyin idarə edilməsini ən yüksək risk kateqoriyasına aid edir və bu sahəni daim nəzarət altında saxlamaqda maraqlıdır.

Ölkəmizdə rəqəmsal bankçılıqda ən müasir və innovativ həllər təklif edən Rabitəbank onlayn maliyyə əməliyyatlarında risklərin mövcudluğuna qarşı lazımi tədbirlər görməkdədir. Müştərilərin məlumatlarının təhlükəsizliyi üçün bank müasir texnoloji həllər təklif edən aparıcı şirkətlərin məhsullarından istifadə edir ki, bu da məlumatların mümkün qədər güclü qorunmasını təmin edir.

Rabitəbankın İT İnfrastrukturu Departamentinin rəhbəri Rəşad Mirzəyev bildirib: “Mütəmadi olaraq bankın İT Departamenti tərəfindən əməkdaşlar üçün təlimlər keçirilir, süni hücumlar hazırlanaraq əməkdaşların internetdə təhlükəsizlik qaydaları üzrə bilikləri yoxlanılır.

Bankın Mobil və İnternet Bankinq həlləri müasir təhlükəsizlik avadanlıqları ilə qorunur, istifadəçilərin eyniləşdirilməsi üçün son texnologiyalar tətbiq edilir. İnternetdə tranzaksiyaların təhlükəsizliyini qiymətləndirmək məqsədi ilə “Anti-Fraud” sistemi tətbiq olunur və hər hansı şübhəli əməliyyat zamanı bank əməkdaşları və müştərilər dərhal məlumatlandırılır.

Bankın Kart Biznesi Departamentinin rəhbəri Kəmalə Cəfərova qeyd edir ki, kart məlumatlarının qorunması təkcə bankın deyil, eyni zamanda müştərinin də məsuliyyətindədir. Müştəri heç bir halda kartın CVV kodunu, hər iki üzünün şəklini, onlayn ödəmə zamanı SMS vasitəsilə daxil olan “3D” təhlükəsizlik kodunu, PİN-kodunu (hətta bank əməkdaşı ilə) kənar şəxslərlə bölüşməməlidir: “Bütün kartlarımız “3D Security” xidmətini dəstəklədiyini nəzərə alaraq müştərilərin kart əməliyyatları üzrə fırıldaqçılıq halları minimuma endirilir. Kart əməliyyatlarına bankın təyin etdiyi risk qaydalar və limitlər çərçivəsində Onlayn Risk Monitorinq proqramı vasitəsilə monitorinq olunur. “Visa Risk Manager” və “Mastercard Fraud Center” platformaları üzərindən gün ərzində təyin etdiyimiz limitlər çərçivəsində əməliyyatların icrasına nəzarət edilir və riskli, şübhəli hallar aşkarlanarsa, müştərilərə məlumat verilir. Məlumat mərkəzinə müştərilər ilə mütəmadi əlaqə saxlanılması üçün ödəniş zamanı yarana biləcək riskli hallar barədə məlumat verilir. Elektron ticarət üzrə aşkarlanmış “fraud” (oğurluq) əməliyyatları keçən ticarət məntəqələri monitorinq olunur və şübhəli hallar varsa, bank tərəfindən qeyd olunan ticarət məntəqələri bloklaşdırılır.”

Bütün bu təhlükəsizlik tədbirləri elə yanaşı Rabitəbank müştərilərini də öz növbəsində təhlükəsizlik qaydaları ilə tanış olaraq tədbirli olmağa səsləyir. Şəxsi bank məlumatlarını qorumaq təlimatı ilə bu link vasitəsilə tanış ola bilərsiniz - http://rbt.az/security

"Rabitəbank" ASC, Azərbaycanın 16 regionu və Bakı şəhərində 27 xidmət məntəqəsi və 73 ATM-i, "Rabita Mobile" tətbiqi, İnternet Bankçılıq platforması və "RabitaBot" çatbotu, 133 nömrəli Çağrı Mərkəzi ilə müştərilərin xidmətindədir.