Dünyada ən çox ağıllı telefon satan 5 marka

Dünyada ən çox ağıllı telefon satan 5 marka

Apple, ağıllı telefon satışında Samsung-u keçib. Keçən ilin son rübündə 90,1 milyon ədəd ağıllı telefon satışı reallaşdıran Apple, dünyanın ən çox ağıllı telefon satan şirkəti olub.

Dünyada ən çox ağıllı telefon satan 5 marka

Qlobal miqyasda 2020-ci ilin son rübündə 16 milyon daha çox ağıllı telefon satılıb, Apple 23,4% bazar payı ilə Samsung-u keçməyi bacarıb.

Marjanın beynəlxalq məlumat şirkəti IDC tərəfindən nəşr olunan araşdırma məlumatlarından topladığı məlumata görə, keçən ilin oktyabr-dekabr dövründə qlobal bazarda 385,9 milyon ədəd ağıllı telefon satılıb.

Həmin dövrdə 2019-cu ilin eyni dövrü ilə müqayisədə 16 milyon ədəd daha çox ağıllı telefon satılıb. LG, Vivo, Nokia və Blackberry-in ən çox ağıllı telefon satan şirkətlər siyahısında geridə olmaları diqqəti çəkir.

Ən çox satan ağıllı telefon markaları arasında Çin istehsalçıları da öndədirlər.

Ən çox satan ilk 5 marka arasında, dünyanın ən böyük üçüncü ağıllı telefon istehsalçısı olan Xiaomi ilə bərabər Çinin Huawei və Oppo markaları da var.

Son rübdə 90,1 milyon ağıllı telefon satmağı bacaran Apple, dünyanın ən çox ağıllı telefon satıcıları siyahısında Samsung-u keçib. Apple son rübdə satışlarını 22% artırıb, bazar payı da 23,4% olub. Apple, söz mövzusu dövrdə iPhone 12-i bazara çıxarmışdır.

Cənubi Koreyanın ağıllı telefon istehsalçısı Samsung, oktyabr-noyabr dövründə satışlarını 6,2% artırıb və 73,9 milyon ədəd sataraq dünyanın ən böyük ikinci ağıllı telefon satıcısı olub. Samsung-un bazar payı 19,1% olub.

Çinli ağıllı telefon istehsalçısı Xiaomi-nin son rübdə satışlarını 32% artırması diqqəti çəkir. Şirkət 43,3 milyon ədəd sataraq üçüncü yeri tutub. Bazar payı da 11,2% olub.

Digər Çin istehsalçısı Oppo isə söz mövzusu dövrdə 33,8 milyon ədəd telefon satıb, 8,8% bazar payı ilə dördüncü yeri tutub.

Digər Çinli istehsalçı Huawei, 32,3 milyon ədəd ağıllı telefon sataraq beşinci yeri tutub. Şirkətin satışları 2020-nin son rübündə 2019-un eyni rübü ilə müqayisədə 42,4% azalıb, bazar payı 15,2%-dən 8,4%-ə geriləyib.

LG, Vivo, Nokia və Blackberry kimi digər ağıllı telefon markalarının satışları isə 112,4 milyon ədəd olub, bazar payları 29,1% təşkil edib.

Apple Samsung Huawei Xiaomi Oppo ağıllı telefon LG Vivo Nokia Blackberry

12.02.2021 09:38

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az