"S&P Global Ratings" reytinq agentliyi bu il Azərbaycanda istehlak qiymətləri indeksinin 2,7% artacağını proqnozlaşdırır. Bu, ötən proqnozdan 1 faiz bəndi azdır.

Reytinq agentliyinin yaydığı məlumata görə, 2022-ci ildə inflyasiyanın 2,9%, 2023-cü ildə 2,6%, 2024-cü ildə isə 2,7% olacağı güman edilir.

Qeyd edək ki, Azərbaycanda ötən il inflyasiya 2,8% təşkil edib. Mərkəzi Bankın dekabrda yenilənmiş proqnozlarına görə isə ölkədə inflyasiya 2021-ci ildə 3,5%-4% diapazonunda formalaşacaq.

"S&P": Azərbaycanın ÜDM-i bu il 2,1% artacaq

"S&P Global Ratings" reytinq agentliyinin yenilənmiş proqnozuna əsasən, bu il Azərbaycan iqtisadiyyatı 2,1% artacaq. 2021-2024-cü illərdə isə ölkədə ÜDM-in ortalama artım tempinin 3,9% səviyyəsində olacağı proqnozlaşdırılır.

Sözügedən artım karbohidrogen ixracında canlanma, stimullaşdırıcı maliyyə paketlərinin köməyi, daxili istehlakdakı bərpa və hökumətin Qarabağa yatırdığı investisiyalar sayəsində dövlət investisiyalarının artımı ilə dəstəklənəcək.

Agentliyin uzunmüddətli proqnozlarına gəldikdə, 2022-ci ildə ölkədə ÜDM-in artım tempi 5,7%-dək yüksələcək. 2023-cü və 2024-cü illərdə isə ÜDM-in müvafiq olaraq 3,7% və 2,2% artacağı proqnozlaşdırılır.

"Neftdən qaynaqlanan xarici volatilliyə baxmayaraq, Azərbaycanın güclü xarici balansı, Azərbaycan Respublikası Dövlət Neft Fondunda (ARDNF) toplanan böyük həcmdə xarici aktivlərlə möhkəmləndirilmiş əsas reytinq gücü olaraq qalacaq", - deyə agentlik qeyd edir.

Xatırladaq ki, 2020-ci ildə Azərbaycanda ÜDM-in həcmi 2019-cu il ilə müqayisədə 4,3% azalaraq 72 432,2 mln. manat təşkil edib. Bu, son 3 ilin ən aşağı göstəricisidir.

İşsizlik nisbətinin 4 ildə 4,7 %-ə enəcəyi gözlənilir

“S&P Global Ratings” Beynəlxalq Reytinq Agentliyi bu il Azərbaycanda işsizlik nisbətinin ötən illə müqayisədə 1 faiz bəndi azalaraq 5,7 %-ə enəcəyini proqnozlaşdırır.

Hesabata əsasən, Azərbaycanda 2022-2024-cü illərdə isə işsizlik nisbətinin müvafiq olaraq 5 %, 4,9 % və 4,7 % səviyyəsində reallaşacağı gözlənilir

Həmçinin oxu

Azərbaycanın reytinq proqnozu "mənfi"dən "stabil"ə yüksəldi

APA