Daha bir qlobal bank Türk Lirəsinin bahalaşacağını təxmin edir

UBS, dollar/TL məzənnəsinin 2021-ci ildə 7 səviyyəsinə qədər geriləyəcəyini, sonra yüksələcəyini nəzərdə tutur

Daha bir qlobal bank Türk Lirəsinin bahalaşacağını təxmin edir

İsveçrə bankı UBS, dollar/Türk Lirəsi (TL ) məzənnəsinin 2021-ci ilin ikinci rübünün sonunda 7.00 səviyyəsinə qədər düşəcəyini gözləyir. Sonra isə bankın proqnozu yüksəliş baş verəcəyi istiqamətindədir.

Marja xəbər verir ki, Bankın dollar/TL üzrə rüb sonu təxminləri birinci, ikinci, üçüncü və dördüncü rüblər üçün müvafiq olaraq 7.10, 7.00, 7.30 və 7.60-dır.

VTB-də minimal faiz dərəcəsi ilə nağd kredit 10.49%-dən

Türkiyə Respublikası Mərkəzi Bankının (TCMB) pul siyasətini sərtləşdirməsi və qlobal bazarlarda dolların zəif olması ilə Lirənin keçən həftələrdə dəyər qazandığını qeyd edən UBS, inflyasiya ilə mübarizə mövzusundakı dayanıqlılığın və qlobal dinamikaların Türk lirəsini dəstəkləməyə davam edə biləcəyini hesab edir.

Lirənin dollar qarşısında ötən ili 20% ucuzlaşma ilə başa vurduğuna toxunan UBS, Noyabr ayında Türkiyədə iqtisadi komandada həyata keçirilmiş vəzifə dəyişikliklərinin makro siyasətdə yaxşılaşmanın təməllərini yaratdığını qeyd edərək, bu il Lirənin daha yaxşı bir performans göstərməsini gözləyir.

Xəbər verdiyimiz kimi, Avropanın ən böyük bankı HSBC 2021-ci il sonuna dollar/TL məzənnəsi üzrə proqnozunun 7,10 olduğunu bildirən Bank, tam bir normallaşma vəziyyətində məzənnənin 6,50 səviyyəsinə qədər geriləyə biləcəyini nəzərdə tutur.

HSBC, Türk Lirəsinə qarşı dollar satılması tövsiyəsini edib, 7,10 hədəf səviyyəsilə dollar/TL-də qısa mövqe açıb. Qiymətləndirmədə zərəri dayandır səviyyəsi olaraq 7,53 təyin olunub.

Hollandiyanın maliyyə qurumu "Rabobank" önümüzdəki aylarda dolar/TL məzənnəsinin 7 səviyyəsindən aşağı düşməsini gözləyir.

Böyük Britaniyanın maliyyə şirkəti "Barclays" inflyasiyanın Türkiyədə 14% ətrafında qalacağını, 2021-ci ilin sonunda dollar/TL proqnozunun 8.40 lirə olduğunu açıqlayıb. Bankın analitikləri hesab ediblər ki, Türkiyə Mərkəzi Bankı məzənnənin 7 səviyyəsindən aşağı enməsinə imkan verməyəcək.

Bu dəqiqələrdə Dollar/TL məzənnəsi 7,33 səviyyələrindədir. Bu gün Lirə Dollar qarşısında 0,7% bahalaşıb.

06.01.2021 13:40

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az