Zərərdə "üzən" banka peşəkar bankir cəlb edilir - YENİ SƏDR

Zərərdə "üzən" banka peşəkar bankir cəlb edilir - YENİ SƏDR

Zərərdə "üzən" banka peşəkar bankir cəlb edilir - YENİ SƏDR

Tanınmış və peşəkar bankir Anar Həsənovun “Yelo Bank” ASC-nin İdarə Heyətinə sədr təyin ediləcəyi bildirilir.

Marja-nın əldə etdiyi məlumata görə, Anar Həsənov 2021-ci ilin Yanvar ayının 1-dən “Yelo Bank” ASC İdarə Heyətinin sədri vəzifəsinin icrasına başlayacaqdır.

Nikoloz Şurqaia Oktyabr ayında “Yelo Bank”ın İdarə Heyətinin sədri vəzifəsini tərk edib. Hazırda “Yelo Bank”da İdarə Heyəti sədrinin vəzifələrini müvəqqəti olaraq Emil Duşdurov icra edir.

Anar Həsənov hazırda “AccessBank” QSC-nin İdarə Heyətinin sədridir. O, 18 ildir “AccessBank”da çalışır və təxminən son 2,5 ildə Banka sədrlik edib. Devalvasiyalardan sonra bir çox banklar kimi ziyana düşən “AccessBank” Anar Həsənovun rəhbərliyi dövründə sabitləşib və yenidən mənfəətə keçib. Xüsusilə, 2019-cu ilin əvvəlində “AccessBank”a yeni səhmdarların cəlbi və kapitallaşması prosesi həyata keçirilib. 14 Mart 2019-cu il tarixində Anar Həsənov “AccessBank”ın nizamnamə kapitalının artırılmasının başa çatdığını elan etmişdir. Kapital mövqeyi güclənmiş "AccessBank" indi stabil banklardan biridir.

“AccessBank”dan Marja-ya bildirildi ki, Anar Həsənov 2020-ci ilin sonunadək İdarə Heyətinin sədri vəzifəsini icra edəcək, 2021-ci ilin əvvəlindən isə “Yelo Bank”ın İdarə Heyətinin sədri vəzifəsinə keçəcək. Yeni sədr təyinatınadək “AccessBank”da İdarə Heyətinin sədri vəzifəsini İdarə Heyəti sədrinin birinci müavini Evgenia Gashikulina icra edəcəkdir.

Həmçinin bir neçə şəxsin “AccessBank”dan "Yelo Bank"a transfer olduğu bildirilir.

Anar Həsənov uzun müddətdir zərərdən xilas olmayan “Yelo Bank”ı təhvil alaraq “sükanı” arxasına keçəcəkdir. 30 Sentyabr 2020-ci il tarixində "Yelo Bank"ın yığılmış zərəri 308 milyon 564 min manat təşkil edib. Anar Həsənovun əsas missiyasının öz təcrübəsindən və əlaqələrindən istifadə edərək “Yelo Bank”ı mənfəətə keçirmək və bazar payını artırmaq olacaqdır.

Həmçinin oxu

Yelo Bankın zərəri “qar topu” kimi böyüyür

24.11.2020 21:08

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az