EBRD yeni prezidentini seçməyə hazırlaşır

EBRD yeni prezidentini seçməyə hazırlaşır

EBRD yeni prezidentini seçməyə hazırlaşır

Oktyabrın 7-8-də Avropa Yenidənqurma və İnkişaf Bankının (EBRD) illik toplantısı keçiriləcək.

VTB-də yüksək depozit faizləri daha çox qazandırır

COVID-19 pandemiyası səbəbindən bu dəfə tədbir onlayn baş tutacaq.

Məlumata görə, toplantı çərçivəsində oktyabrın 8-də EBRD-nin Direktorlar Şurası tərəfindən yeni prezidentin seçilməsi də gözlənilir.

Prezident seçkilərində iştirak etmək üçün namizədlərin müraciətlərinin qəbulu aprelin 13-dək davam edib. Seçiləcək yeni prezident Bankın 71 səhmdarını təmsil edəcək. Baş katiblik 3 nəfərin namizədliyini qeydə alıb.

Onlardan birincisi Polşa Maliyyə naziri Tadeusz Koscinskidir ki, onun namizədliyi Polşanın Mərkəzi Bankının rəhbəri və EBRD-də bu ölkənin təmsilçisi olan Adam Glapinski tərəfindən irəli sürülüb.

Fransanın İqtisadiyyat, Maliyyə və Bərpa naziri və Bankda rəsmi Parisin təmsilçisi olan Bruno Le Maire isə rəhbərlik etdiyi nazirliyin Xəzinədarlıq idarəsinin baş direktoru Odile Renaud Bassonun namizədliyini təqdim edib.

EBRD prezidenti olmaq istəyən 3-cü namizədin adını İtaliyanı EBRD-dəki əsas təmsilçisi olan bu ölkənin İqtisadiyyat və Maliyyə naziri Roberto Gualtieri təqdim edib. O, bu postda sələfi və hazırda deputat olan Pier Carlo Padoanu görmək istəyib. Amma oktyabrın 5-də P.C.Padoan namizədliyini geri götürüb.

Qaydalara görə, seçkilər qapalı keçiriləcək və qalib namizəd minimum 36 təmsilçinin səsini qazanmalıdır.

Qeyd edək ki, EBRD-nin sonuncu prezidenti Suma Çakrabarti iyulun 2-də prezidentliyini bitirib. Hazırda bu vəzifəni müvəqqəti olaraq birinci vitse-prezident Jürgen Rigterink idarə edir.

EBRD Azərbaycanda iqtisadiyyatın şaxələndirilməsi və özəl sektorun inkişaf etdirilməsi səylərinə dəstək göstərən aparıcı institusional investorlardan biridir. İndiyədək EBRD Azərbaycanda 170-ə yaxın layihəyə 3,3 mlrd avrodan artıq investisiya qoyuluşu edib. Bank həmçinin yerli kiçik və orta sahibkarlıq müəssisələrinə biznes məsləhət xidməti göstərir və mindən artıq firmanın öz göstəricilərini yaxşılaşdıraraq inkişafına yardım edib.

“Report”

06.10.2020 14:25

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az