Neftin gələn il 60 dollaradək bahalaşacağı istisna deyil

Neftin gələn il 60 dollaradək bahalaşacağı istisna deyil

“Bank of America” (BofA) iyun ayında “Brent” markalı neftin qiymətinə dair 2020-ci və 2021-ci illər üçün proqnozunu 5 dollar artıraraq müvafiq olaraq 43 və 50 ABŞ dollarınadək yüksəltdikdən sonra spot qiymətləri bütövlükdə ehtimallara uyğun olsa da, gələn il tədarük ediləcək neft gözləniləndən daha çox bahalaşacaq.

BofA Global Research” qrupunun icmalında bildirilir ki, neftin bahalaşmasına səbəb olan başlıca amillər arasında OPEC+ formatı çərçivəsində hasilatın ixtisarına dair razılaşmanın yerinə yetirilməsinə sərmayəçilərin etimad göstərməsi, ABŞ-dakı şistli yataqlardakı hasilatın azalması, habelə dünya boyu neftə tələbatın get-gedə bərpa olması göstərilir.

“Bu cərəyanların bundan sonra da davam edəcəyin gözləyirik. Nəticədə dünya neft bazarında 2020-ci ilin 4-cü rübündə gündəlik 4,9 milyon barel, 2021-ci ildə də gündəlik 1,7 milyon barel həcmində kəsir yarana bilər”, – sənəddə qeyd olunur.

Belə olan halda “Brent” markalı neftin gələn il hətta 60 dollarlıq həddə çatmasının yüksək ehtimal olduğunu qeyd edən müəlliflər dünya boyu neft ehtiyatlarının həcminə dair cari məlumatlara görə həmin ehtiyatlar gözlənildiyindən daha sürətlə azalır. Belə ki, ABŞ və Çin istisna olmaqla bütövlükdə ehtiyatların həcmi adi səviyyəyə qayıdıb və hazırda 2017-2019-cu illərin orta səviyyəsini cəmi 46 milyon barel üstələyir.

Çindəki ehtiyatlar ABŞ ilə aralarındakı gərginliklə bağlı böyük həcmdə qalacağı, ABŞ-da isə bunun şistli yataqlarda gözlənilən hasilat azalması ilə bağlı olduğu bildirilir.

Bütövlükdə “BofA”nın proqnozu cari ilin dördüncü rübündə koronavirus pandemiyasının ikinci dalğasından yayınmağın mümkün olacağı ehtimalına söykənir.

“Report”

17.08.2020 15:15

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az