“PAŞA Bank” ASC-nin Türkiyədəki törəməsi “PAŞA Yatırım Bankası” bu ilin I yarısını 11,117 milyon lirə (2,612 milyon manat) xalis mənfəətlə başa vurub.

Bankın maliyyə hesabatına görə, bu, ötən ilin eyni dövrü ilə müqayisədə 15,2% azdır.

Yanvar-iyun aylarında "PAŞA Yatırım Bankası"nın faiz gəlirləri 59,162 milyon lirə (13,903 milyon manat, 1 il əvvələ nisbətən 22,4% az), faiz xərcləri 23,166 milyon lirə (5,444 milyon manat, 0,9% çox), haqq və komissiya gəlirləri 1,855 milyon lirə (436 min manat, 32,9% az), qiymətli kağızların alqı-satqısında gəlirləri 2,387 milyon lirə (561 min manat, 1 il bundan əvvəl zərər olub), inzibati xərcləri 9,843 milyon lirə (2,313 milyon manat, 27,8% çox), digər gəlirləri 2,949 milyon lirə (693 min manat, 6,4 dəfə çox), digər xərcləri 11,33 milyon lirə (2,663 milyon manat, 49,9% çox), xüsusi ehtiyatlara ayırmaları 7,745 milyon lirə (1,82 milyon manat, 66,1% az), mənfəət vergisi ödəmələri isə 3,152 milyon lirə (741 min manat, 17,7% az) təşkil edib.

Bu il iyulun 1-nə “PAŞA Yatırım Bankası”nın aktivləri 2 022,566 milyon lirə (475,303 milyon manat) olub ki, bu da illik müqayisədə 28,9% çoxdur. Bunun 1 326,442 milyon lirəsi (311,714 milyon manat) müştərilərə verilmiş xalis kreditlərdir. Son 1 ildə Bankın kredit portfeli 27,1% böyüyüb.

Hesabat dövründə “PAŞA Yatırım Bankası”nın öhdəlikləri 40,9% artaraq 1 479,744 milyon lirəyə (347,74 milyon manat), balans kapitalı isə 4,7% artaraq 542,822 milyon lirəyə (127,563 milyon manat) çatıb.

Xatırladaq ki, "PAŞA Yatırım Bankası" 2015-ci ildə "PAŞA Bank"ın Türkiyənin "Aksoy Holdinq"inə məxsus "TAİB Bank"ın səhmlərini alması ilə yaradılıb. Onun nizamnamə kapitalı 500 milyon lirədir (117,5 milyon manat). Bankın səhmlərinin 50,96%-i “PAŞA Bank”a, 49%-i Bankın daxil olduğu “PAŞA Holdinq” MMC-yə, 0,04%-i isə “Aksoy Holdinq”ə məxsusdur. 

1 lirə = 0,235 manat

©️“Renkinq” 

Həmçinin oxu

"PAŞA Bank"ın Gürcüstandakı törəməsi böyüyüb, gəlirləri artıb