Ən yuxarı statik reklam_3
Ən yuxarı (mobil)_30
Mobil manşet üstü reklam-3_21

Qazprom-un təbii qaz ixracından gəliri 51% azalıb

Rusiyanın enerji şirkətinin min kub metr təbii qaz ixrac qiyməti, iyunda may ayı ilə müqayisədə 13% geriləyərək 82 dollara düşüb.
iç səhifə xəbər başlığı altı (mobil)_31
Qazprom-un təbii qaz ixracından gəliri 51% azalıb

Rusiyanın enerji şirkəti Qazprom-un təbii qaz ixracından gəliri, 2020-ci ilin ilk 6 ayında keçən ilin eyni dövrü ilə müqayisədə 51,2% düşərək 11,3 milyard dollara geriləyib.

Marja xəbər verir ki, Rusiya Federal Gömrük Xidmətinin məlumatlarına görə, Qazprom-un boru xəttləri ilə təbii qaz ixracının həcmi isə yanvar-iyun dövründə keçən ilin eyni dövrü ilə müqayisədə 17,8% azalaraq 91,1 milyard kub metrə düşüb.

Qazprom-un min kub metr təbii qaz ixrac qiyməti də iyunda bir əvvəlki ayla müqayisədə 13% geriləyərək 82 dollara enib.Analitiklər, şirkətin təbii qaz ixracından qazanc əldə edə bilməsi üçün min kub metr təbii qaz qiymətinin 90 ilə 100 dollar aralığının üzərində olması lazım olduğunu bildirirlər.

Qazpromun xalis mənfəəti keçən il 2018-ci illə müqayisədə 17% azalaraq 1,2 trilyon rubla (təxminən 17 milyard dollara) geriləmişdi. Dünyanın ən böyük təbii qaz istehsalçılarından biri olan Qazprom, Rusiya qanunlarına görə boru xəttlərilə təbii qaz ixracı səlahiyyətinə malik ölkənin tək şirkətidir.

Beynəlxalq Enerji Agentliyinin (IEA) təxminlərinə görə, qlobal təbii qaz tələbinin bu il  4% azalaraq rekord səviyyədə düşməsi gözlənilir.

Qazprom
11.08.2020 09:06

Müştərilərin xəbərləri

Mobil-manshet-alt3_22
Desktop_Manset_sag_5
Esas-sehifede-reklam-3_8
Ana-sehifede-2-reklam-3_9
Xəbər mətn sağ 2-ci_16
Xəbər mətn sağ 3-cü_17
Xeber_metn_sag_18_2_18
InvestAZ